Ecuria e projekteve në infrastukturën rrugore – Evis Berberi: Në të gjithë vendin janë të hapura dhe po punohet në 30 kantiere
Në akset kombëtare rrugore të vendit po punohet me intensitet te lartë. Pavarësisht vështirësive si në rastin e tunelit në rrugën e Arbrit, puna nuk ka ndaluar dhe investimet po realizohen sipas programeve te caktuara.
Drejtori i Autoritetit Rrugor Shqiptar, Evis Berberi i ftuar në emisionin Scan Update, tha se në të gjithë vendin janë të hapura mbi 30 kantiere pune.
Një nga investimet e mëdha ku po punohet pa ndërprerje është edhe Unaza e Madhe e kryeqytetit, e cila planifikohet të mbyllet vitin e ardhshëm.
Investimet në rrugë janë të lidhura ngushtësisht me zhvillimin e sektorëve të tjerë të ekonomisë. Sipas Berberit, prioritet janë rrugët që lidhin zonat bregdetare dhe industriale të vendit. Pjesë e këtyre investimeve janë Tuneli i Llogarasë dhe rruga lidhëse si edhe zgjerimi i aksit Tiranë-Durrës.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.