Elon Musk: Çmimet e Tesla janë të turpshme – Miliarderi i konsideron shumë të larta tarifat e automjeteve të tij elektrike

Pronari i Tesla, Elon Musk, gjatë takimit me aksionerët për të analizuar ecurinë e tremujorit të dytë, i cilësoi cmimet aktuale të automjeteve elektrike të turpshme.

Musk deklaroi se do të reduktojë cmimet e Tesla. Aktualisht një Tesla Model 3 në Europë kushton 57.490 euro dhe në Shtetet e Bashkuara të Amerikës 46.990 dollarë.

Rritja e çmimit është tregues i një tendence në gamën e automjeteve Tesla. Elon Musk është i vetëdijshëm për faktin se ky është një problem, veçanërisht për një automjet si Model 3, që nëse do të kishte stimuj, do të ishte e prekshme për një numër më të madh blerësish.

Drejtori i Përgjithshëm i kompanisë amerikane komentoi këtë çështje duke pranuar se çmimet janë rritur disa herë dhe se aktualisht janë në nivele të sikletshme. Por ai shtoi se ka pasur shumë probleme në zinxhirin e furnizimit dhe kështu në prodhim është regjistruar një inflacion “i çmendur”. Musk beson se situata do të përmirësohet së shpejti. Ai tha se inflacioni do të ulet në fund të vitit.

Problemi kryesor me çmimet është kombinimi i problemeve të inflacionit dhe zinxhirit të furnizimit. Musk beson se marka do të vazhdojë të përmirësohet gjatë pjesës tjetër të vitit. Pavarësisht sfidave të zinxhirit të furnizimit, Tesla sapo ka përmbyllur muajin e saj më produktiv ndonjëherë në nivel global. Tani kompania amerikane do të përpiqet të vazhdojë ngjitjen drejt një vëllimi total që i kalon 1.200.000 automjete.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.