Emiratet e Bashkuara Arabe, interes për rritjen e investimeve në Shqipëri, zv.kryeministrja Balluku: Muajt në vazhdim do të jenë shumë premtues

Zëvëndëskryeministrja, njëherësh ministre e Infrastrukturës dhe Energjisë, Belinda Balluku ka zhvilluar një vizitë zyrtare në Emiratet e Bashkuara Arabe. Zëvëndëskryeministrja  është takuar me ministrin e Punëve të Jashtme të Emirateve, HH Sheikh Abdullah bin Zayed Al Nahyan, me të cilin ka diskutuar mbi marrëdhëniet dhe forcimin e mëtejshëm të bashkëpunimit mes dy vendeve tona në fusha të ndryshme, ekonomi, turizëm, inovacion, infrastrukturë, si dhe zhvillimin dhe shkëmbimin e praktikave qeveritare.

Energjia dhe klima janë gjithashtu dy sektorë të rëndësishëm ku ka hapësirë dhe vullnet për të bashkëpunuar më ngushtësisht mes Shqipërisë dhe Emirateve të Bashkuara edhe në kuadër të COP 28.

Më tej, vijon zëvëndëskryeministrja Balluku,  kemi diskutuar projekte konkrete me rëndësi strategjike, jo vetëm për Shqipërinë , por dhe për rajonin , në prani dhe të Reem bint Ibrahim Al Hashemy, Ministre për Bashkëpunim Ndërkombëtar, dhe Mohamed Hassan Al Suëaidi, Ministër i Investimeve të Emirateve të Bashkuara Arabe.

“Muajt në vazhdim do të jenë shumë premtues dhe mezi pres të ndaj me publikun vendimet që kemi marrë gjatë kësaj vizite në Emiratet e Bashkuara Arabe” ka deklaruar Balluku.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.