Energjia është shtrenjtuar për 12.4% të konsumit – Qeveria përdori liberalizimin e tregut për të rritur me rreth 70% faturat e bizneseve

Pavarësisht se qeveria deklaron se deri më tani nuk ka patur rritje të çmimit të energjisë, të dhënat zyrtare tregojnë se nga data 1 janar e këtij viti 12.4% e konsumit total është tarifuar me çmime rreth 70% më të larta se viti i kaluar.

Në këtë fashë përfshihen bizneset e lidhur në tensionin 20, 10 dhe 6 KV, që furnizohen nga OSHEE, nën rolin e Furnizuesit të Mundësisë së Fundit. Sipas të dhënave nga Enti Rregullaotr i Energjisë, në 6 muajt e parë të vitit, këta konsumatorë kanë konsumuar 529 417 kwh energjië apo 12.4% të konsumit total.

Ndërkohë që nxjerrja e tyre në treg të lirë energjie, nënkuptoi dhe rritjen e çmimit me të cilin faturohen. Deri në datën 31 dhjetor 2021 ata tarifoheshin me 11 lekw/kwh ose 12.4 lekë/kwh, ndërkohë që tashmë faturohen me çmime që caktohen çdo muaj nga ERE e që variojnë nga 18.26 – 19.69 lekë/këh. Kjo do të thotë se për 1 biznes që tarifohej me 11 lekë/kwh, rritja e çmimit të energjisë ka qenë të paktën 66%.

Ndërkaq, qeveria po planifikon të kërkojë shtrenjtimin e energjisë edhe për një masë tjetër të konsiderueshme të konsumit, përmes rikthimit të fashave për familjarët. Fillimisht, u deklarua se shtrenjtimi do të fillonte për familjet që konsumojnë mbi 700 këh energji në muaj e që sipas të dhënave zyrtare prekte 24% të konsumit total.

Së fundmi, ministrja e Infrastrukutrës dhe Energjisë, Belinda Balluku ka deklaruar se fasha e dytë do të nisë nga 800 kwh, por gjithsesi për një pjesë të konsiderueshme të energjisë që konsumohet në vend çmimi i energjisë planifikohet të rritet.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.