ERE, e “prerë” me furrat e bukës – Energjia, Ahmeti: Çmimi preferencial, vetëm për bukën. Është abuzuar, me produkte të tjerë!

Çmimi preferencial është vetëm për prodhimin e bukës dhe jo për zhvillimin e aktiviteteve të tjerë tregtarë”. Kreu i Entit Rregullator të Energjisë, Petrit Ahmeti ka reaguar në lidhje me debatin për çmimin e energjisë elektrike për këto subjekte, duke shtuar se përgjatë këtyre viteve është abuzuar, duke tregtuar edhe artikujt të tjerë brenda furrave.

Ahmeti e konsideroi të pamundur edhe instalimin e 2 matësve, sipas aktivitetit që ushtrohet, një kërkesë kjo e bërë nga Shoqata e Bukës.

Tregtimi i prodhimeve të brumit, pastiçerisë apo produkteve të tjerë ushqimorë nga furrat e bukës riktheu pak ditë më parë debatin e vitit 2018 për rritjen e çmimit të energjisë elektrike për këto subjekte. Sipas Shoqatës së Bukës, Pastiçerisë dhe Brumrave, aktualisht janë rreth 4000 furra buke që e paguajnë energjinë elektrike me një çmim preferencial prej 7.6 lekë/ kWh.

Aktualisht palët janë në bisedime, porn ë rast të faturimit me çmime normale biznesi atëhere këto subjekte do të duhet ta pagujanë energjinë me 18.8 lekë/ kWh, çka rrjedhimisht mund të ndikojë në rritjen e çmimit të bukës.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.