ERE lë në fuqi shtrenjtimin e energjisë – Rrëzon kërkesën e Tabakut, deputetja: Kostot, po iu transferohen qytetarëve 2 herë

Enti Rregullator i Energjisë ka rrëzuar kërkesën e deputetes Jorida Tabaku, për mosshtrenjtimin e konsumit të energjisë mbi 800 Kwh në muaj. Mbledhja u shoqërua me debate të forta midis anëtarëve të Bordit të ERE-s dhe deputetes, e cila theksoi se qytetarëve shqiptarë po iu transferohen 2 herë kostot për rritjen e çmimit të energjisë eletkrike.

Kreu i Bordit të ERE-s Petrit Ahmeti,  tha se çmimet vendosen sipas të dhënave që vihen në dispozicion nga kompanitë publike të energjisë dhe vendosja e fashës në skemën e tarifimit prek 5% të konsumatorëve.

Rrëzimi i kërkesës së Tabakut nënkupton lënin në fuqi të vendit të ERE-s, për tarfimin me fasha, që do të thotë se konsumi i energjisë mbi 800 kwh/muaj do të paguhet me 42 lekë/kwh në muajt nëntor dhe dhjetor. Rritja e çmimit të energjisë, prek të gjitha ato familje, që aktualisht pagujanë mbi 9 220 lekë në muaj. Kjo është vlera e faturës për konsumin deri në 800 kwh, që do të vijojë të paguhet me 9.5 lekë/kwh.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.