Falimenton shoqëria huadhënëse e kriptomonedhës Celsius – Kompania: Ky është vendimi i duhur për komunitetin dhe biznesin tonë

Platforma e huadhënies së kriptomonedhave Celsius Netuork paraqiti kërkesë për falimentim sipas Kapitullit 11 të Ligjit të Falimentimit në Shtetet e Bashkuara të Amerikës.

Në një deklaratë për shtyp, kompania tha se kishte paraqitur një kërkesë për riorganizim vullnetar në Gjykatën e Falimentimit të Shteteve të Bashkuara të Amerikës për distriktin jugor të Nju Jorkut. CEO i Celsius, e komentoi këtë si vendimin e duhur për komunitetin dhe biznesin, dhe i domosdoshëm për të përforcuar të ardhmen e kompanisë.

Celsius ka 167 milionë dollarë likuiditet, kapital që do të përdoret për të mbështetur disa operacione gjatë procesit të ristrukturimit. Kompania paraqiti një sërë mocionesh për ta lejuar që të vazhdojë të paguajë punonjësit e saj gjatë kësaj periudhe, por nuk kërkoi miratimin e gjykatës për të rivendosur tërheqjet e klientëve.

Lajmi vjen në një moment që Celsius shlyente “borxhin e tij të fundit të madh të papaguar”, siç raportoi Decrypt: kompania e huadhënies së kriptove pagoi 50 milionë dollarë në DAI dhe rikuperoi 10 mijë Bitcoin të saj me vlerë 200 milionë dollarë.

Në dy javët e fundit, Celsius ka shlyer platformën Maker, duke marrë 400 milionë dollarë, duke rikuperuar 415 milionë dollarë garanci.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.