Fluturimet me kosto të ulët ‘morën fund’ – Të fluturosh kushton më shumë dhe shërbimet janë shtuar

Mes viktimave, reale apo të dukshme, të fazës së re dhe dramatike të jetës ekonomike dhe sociale, është dhe filozofia e fluturimeve me kosto të ulët. Aktualisht shqetësimi më i madh nuk është marrja e një produkti apo e një shërbimi me kosto sa më të ulët, por më tepër marrja e tij në kohën e duhur. Një shqetësim deri tani i panjohur pasi të gjithë ishin mësuar me sigurinë se gjithnjë ka një alternativë më leverdisshme.

Pandemia dhe lufta në Ukrainë kanë shumëfishuar cmimin e enrgjisë dhe kanë ngadalësuar tranzicionin drejt burimeve të rinovueshme duke bërë që shumë vende t’i rikthehen përdorimit të qymyrit. Pak ditë më parë pronari dhe themeluesi i kompanisë ajrore Ryanair, në një intervistë për Financial Times, u shpreh se ai kishte krijuar fluturimet me kosto të ulët. Por ai nuk besonte se industria e udhërimeve të jetë e qëndrueshme për një periudhë afat mesme me një tarifë mesatare prej 40 eurosh një biletë. Kjo pasi sipas tij cmimi është shumë më ekonomik se sa duhej.

Kërkesat në rritje kapën në befasi operatotët duke shkaktuar kaos në shumë aeroporte. Që nga fillimi i muajit korrik në Shtetet e Bahskuara të Amerikës janë anuluar 1400 fluturime dhe 14 mijë të tjera pësuan vonesa.  Në Europë situata më problematike është në Holandë dhe Britani  të Madhe.

Kompanitë e mëdha ajrore aktualisht po kërkojnë më shumë mbështetje duke pretenduar që kompanive që sigurojnë fluturime me kosto të ulët të mos u subvencionohet më karburanti. Cmimet në rritje dhe personeli i reduktuar për shkak të pushimeve masive nga puna në kohën e pandemisë, do të cojë në mënyrë të pashmangshme drejt shtrenjtimit të fluturimeve. Dhe kjo në një të ardhme jo shumë të largët sipas ekspertëve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.