Fortnite gjobitet me 520 milionë dollarë – Loja e famshme dhunoi privatësinë e fëmijëve nën moëshën 13 vjeç
Fortnite dhunon privatësinë e lojtarëve të mitur nën 13 vjec. Për këtë arsye krijuesi i video lojës popullore, Epic Games, ka arritur një marrëveshje prej 520 milion dollarësh me Komisionin Federal të Tregtisë në SHBA. Akuza për Epic Games është dhunimi i privatësisë së fëmijëve dhe mashtrimi i miliona përdoruesve me blerje të padëshiruara.
Marrëveshja parashikon sanksione rekord në dy raste. Epic Games ka pranuar të paguajë 275 milionë dollarë për akuzën e shkeljes së një ligji fedeeral, për mbrojtjen e privatësisë online të fëmijëve, duke grumbulluar informacione personale nga fëmijë nën 13 vjec të cilët luanin lojën pa marrë një leje të verifikueshme nga ana e prindërve. Fortnite përfundoi dhe pak kohë më parë në qendër të kritikave pasi disa prindër pretendonin se krijonte varësi njësoj si droga.
Kompania u kritikua dhe për faktin se ia ka bërë pothuajse të pamundur prindërve që të fshinjnë të dhënat, madje disa herë nuk ka përmbushur kërkesat e tyre për të eliminuar këto të dhëna.
Komisioni federal i tregtisë do i kërkojë Epic Games që të përshtasë një sistem automatik për privatësinë e fëmijëve dhe adoleshentëve, duke zhdukur shkëmbimin live të mesazheve si dhe bisedat zanore për përdoruesit më të vegjël.
Epic Games ra dakord të paguajë dhe 245 milion dollarë për të dëmshpërblyer konsumatorët – viktimë e praktikave manipuluese, të përdorurapër të mashtruar përdoruesit e të gjitha moshave për blerje të padëshirueshme.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.