“Fshihen” 21 pika të zeza në rrugë – ARRSH hap tenderin 58.1 milionë lekë, synohet rritja e sigurisë rrugore

21 pika në segmente të ndryshme rrugore, të identifikuara si burim aksidenti do të eleminohen, duke synuar rritjen e sigurisë në rrugë. Autortieti Rrugor Shqiptar ka hapur një tender me vlerë 58.1 mln lekë, ndërsa ka evdientuar dhe pika e zeza në rrjetin rrugor kombëtar, ku do të duhet të ndërhyhet.

Vendet ku do të ndërhyhet ndodhen në Velipojë, në segmentet Fier – Levan, Plepa – Rrogozhinë, Cerrik – Banjë, etj.  Sipas dokumenteve të tenderit, lista me pikat më problematike është bazuar në informacionin e marre nga Policia Rrugore dhe Instituti i Transportit, lidhur me prioritetin e Pikave te Zeza, dhe njëkohësisht bazuar ne databazen e aksidenteve me numrin me te larte te fataliteteve dhe plagosjeve te renda, ndërsa theksohet se kërkohet ndërhyrjen e menjëhershme per eliminimin e tyre.

Ndërhyrjet janë në varësi të secilës prej tyre, duke përfshirë ndriçimin, vendosjen e tabelave orientuese, zgjerimin e rrugës, ashpërsim asfalti për tërheqjne e vëmendjes së drejtuesve të mjeteve, etj. Me shpalljen e fituesit të tenderti, kompania do të kenë 8 muaj kohë për ekzekutimin e kontratës. Sipas të dhënave nga Instituti i Statistikave në periudhën janar-qershor të këtij viti janë shënuar 581 aksidente rrugore.

PIKAT E ZEZA KU DO TË NDËRHYHET:

1. Kryqëzimi Bërdicë – Velipojë Pika 1
2. Kryqëzimi Bërdicë – Velipojë Pika 2
3. Kryqëzimi Cërrik – Banjë
4. Jergucat – Qafë Muzinë
5. Aksi Fier – Levan
6. Kryqëzimi Fier Shegan
7. Dalje Vilë Bashtovë
8. Dalje Gosë qendër
9. Dalje Gosë jug
10. Dalje Kavajë veri (Plepa-Rrogozhinë)
11. Dalje Kavajë jug (Plepa-Rrogozhinë)
12. Dalje Kavajë jug (Rrogozhinë-Plepa)
13. Hyrje autostrada Plepa-Rrogozhinë
14. Dalje autostrada-Hyrje Plepa
15. Hyrje Bypass Arapaj Shkozet
16. Hyrje Mbikalimi Shkozet (Plepa-Shkozet)
17. Hyrje Mbikalimi Shkozet (Tiranë-Plepa)
18. Ura e Lizës Elbasan (Elbasan-Librazhd)
19. Labinot – Mbikalimi i Trenit
20. Nyja Qafë Kashar
21. Tiranë Rinas përballë Megatek

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.