Gara për rezervat e gazit në Europë – Cilat janë vendet që renditen më mirë në pritje të dimrit?

Vendet europiane janë në rrugën e duhur për të arritur objektivin e grumbullimit të rezervave të gazit para fillimit të dimrit këtë vit, por kostoja për rifurnizimin e rezervave do të jetë më shumë se 50 miliard dollarë, 10 herë më shumë në krahasim me mesataren e mbushjes së rezervave për dimrin.

Qeveritë europiane ishin të shqetësuara se reduktimi i furnizimeve nga Rusia nëpërmjet gazsjellësit kryesor drejt Gjermanisë, Nord Stream 1, do të kishte lenë vendet në pamundësi për të arritur objektivat për furnizmin e depozitave për dimrin. Pavarësisht pesimizmit, vendet e BE-së kanë arritur të mbushin depozitat e gazit duke frenuar kërkesën, me kalimin nga gazi tek qymyri për disa centrale elektrike dhe duke shtuar importet e gazit natyror të lëngshëm.

Nivelet e rezervave të gazit ne Europë janë plot deri në 70.5% sipas dhënave të muajit gusht duke tejkaluar mesataren prej 70.3%, sipas të dhënave të Infrastrukturës së Gazit për Europën.

Bashkimi Europian synon të mbushë rezervat deri në 80% të kapacitetit brenda 1 nëntorit për të plotësuar kërkesën e lartë në muajt e dimrit. BE ka fiksuar objektivat mujore për cdo vend anëtar.

Gjermania që është dhe më e prekura nga reduktimi i furnizimit me gaz nga Rusia ka vendosur një objektiv më të lartë dhe synon 95% të rezervave brenda muajit nëntor.

Rritja e importit të gazit natyror të lëngshëm ka ndihmuar shumë në arritjen e objektivave europiane. Bashkimi europian ka importuar 21.36 milion ton gaz të lëngshëm në gjysmën e parë të vitit 2022, në krahasim me 8.21 ton në të njëjtën periudhë një vit më parë. Në qershor për herë të parë në histori, Shtetet e Bashkuara të Amerikës kanë furnizuar më shumë gaz për Europën në krahasim me Rusinë. Gjithësesi analistët paralajmërojnë për më shumë kujdes pasi varësia e Europës nga gazi rus nuk ka përfunduar aspak.

Analistë dhe ekspertë industrialë paralajmëruan se mbushja e rezervave në nivelet e caktuara do të ishte e pamundur nëse Rusia do të ndërpriste totalisht furnizimet nëpërmjet gazsjellësit Nord Stream 1 ndaj Gjermanisë. Edhe se pse i gjithë plani europian i sigurisë varet kryesisht nga dy faktorë: sa i ftohët do të jetë ky dimër dhe si do të jenë flukset e gazit pranverën e ardhshme. Ata llogarisin se Europa duhet të shpenzojë 26 miliard euro për të arritur në nivelin 80% të rezervave. Gjithashtu kosto e mbushjes së rezervave mund të transferohet tek konsumatorët me faturat e energjisë elektrike gjithnjë e më të larta ose nëpërmjet taksave.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.