Hapen rrugët për fuqizimin e eksporteve bujqësore – Investim në standarde dhe cilësi, rritje e vlerës së produkteve “Made in Albania”

Vendi ynë ka potencial shumë më të lartë për të rritur eksportet e bimëve aromatiko-mjekësore dhe të fruta-perimeve, por duke ndryshuar qasje. Çelësi për këtë kapërcim është rritja e cilësisë dhe standardit të produkteve.

Këtë gjë synon të adresojë edhe “Programi Global i Cilësisë dhe Standardeve (GQSP) në Shqipëri, i cili po zbatohet në disa shtete njëkohësisht, nga Organizata e Kombeve te Bashkuara per Zhvillim Industrial(UNIDO), ku bëhet një analizë e sektorëve dhe rekomandohen zgjidhjet.

Ky program financohet nga qeveria zvicerane, përmes SECO. Zv. Ambasadori i Zvicrës në Shqipëri, theksoi që për të rritur dhe diversifikuar hartën e eksporteve shqiptare, duhen adresuar një sërë problematikash që lidhen me cilësinë dhe standardet.

Nga studimi që i është bërë sektorit të bimëve mjekësore dhe fruta-perimeve, rezulton se përmirësimi i cilësisë, do të rriste ndjeshëm edhe vlerën e produkteve “Made in Albania”.

Konferenca është zhvilluar me pjesëmarrjen aktorëve të fushës, nga prodhues, përpunues, eksportues, ekspertë, për të ndarë praktikat më të mira dhe për të dalë në rekomandime konkrete, implementimi i të cilave do të ndikojë direkt në rritjen e sektorit bujqësor.

Elisabeta Dosku/  SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.