Hartoi planin për pavarësinë e Kosovës – Ndërron jetë diplomati dhe nobelisti Martti Ahtisaari

Ish-presidenti i Finlandës, Martti Ahtisaari, ka ndërruar jetë në moshën 86-vjeçare në Helsinki, ka bërë të ditur Presidenca finlandeze.

Martti Ahtisaari ishte gjithashtu një diplomat i Kombeve të Bashkuara dhe ndërmjetësi i shquar për punën e tij ndërkombëtare për paqen.

Ahtisaari ishte një i dërguar special i Kombeve të Bashkuara për Kosovën, i ngarkuar me organizimin e negociatave të procesit të statusit të Kosovës, që synonin zgjidhjen e një mosmarrëveshjeje të gjatë në Kosovë, e cila më vonë shpalli pavarësinë e saj nga Serbia në 2008.

Në tetor 2008, atij iu dha Çmimi Nobel për Paqe “për përpjekjet e tij të rëndësishme, në disa kontinente dhe gjatë më shumë se tre dekadave, për të zgjidhur konfliktet ndërkombëtare”.

Në deklaratën e Nobelit thuhej se Ahtisaari kishte luajtur një rol të rëndësishëm në zgjidhjen e konflikteve serioze dhe afatgjata, duke përfshirë ato në Namibi, Aceh (Indonezi), Kosovë dhe Serbi dhe Irak.

Ahtisaari ishte tërhequr nga jeta publike dhe politike më 2021, pasi u diagnostikua me sëmundjen e Alzheimerit.

Ai ishte president i Finlandës nga viti 1994 deri më 2000.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.