Hendeku i brezave në punë – Vështirësitë e gjeneratës Z për të punuar me kolegët më të vjetër

Një hendek brezash është më i mprehtë se kurrë në vendin e punës, sipas një raporti më të fundit, në një kohë që Gjenerata Z lufton për të bashkëpunuar me kolegët e tyre më të vjetër. Fakti që Gjenerata Z, ata nën moshën 26 vjeç, do të përbëjnë 27% të fuqisë punëtore globale deri në vitin 2025, ka ngritur shumë shqetësime se si brezi i ri do të përshtatet në vendin e punës.

Në fakt, një raport i ri zbuloi se disa nga këto shqetësime mund të rezultojnë të vërteta. Gjenerata Z dhe Millennials – ata të lindur midis 1981-shit dhe 1996 -ës raportuan produktivitet të ulët më shumë se çdo brez tjetër në vendin e punës, përkatësisht 37 dhe 30 përqind. Kjo u krahasua me vetëm 22 dhe 14 për qind të Gjeneratës X – ata që kanë lindur midis mesit të viteve 1960 dhe 1980, dhe Baby Boomers – të lindur midis 1946 dhe 1964.

Megjithatë, në raport kishte një faktor kyç që kontribuoi që një punonjës të kishte më shumë gjasa të raportonte produktivitet të ulët dhe kishte të bënte me moshën e njerëzve me të cilët punonin. Në përgjithësi, punëtorët me diferencë të madhe moshe me punëdhënësit e tyre raportuan produktivitet dukshëm më të keq, me ata që kishin menaxherë me një diferencë moshe prej 12 vjetësh ose më shumë, kishin 1.5 herë më shumë gjasa të raportonin produktivitet të ulët.

Studimi u bazua në përgjigjet e afro 1500 punëtorëve në Shtetet e Bashkuara dhe Mbretërinë e Bashkuar. Megjithatë, jo të gjithë besojnë se vetëm kjo gjeneratë është plotësisht përgjegjëse për atë që po ndodh. Raporti thjesht nxjerr në pah një problem, por jo shkakun, të mosfunksionimit të parë në shumë vende pune. Gjithësesi situata ka të bëjë me ndryshimin e qëndrimeve ndaj punës, zhvillimin e teknologjive dhe stilet e ndryshme të komunikimit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.