Importi i naftës në Kinë në nivelin më të lartë – Marrëdhëniet me Venezuelën dhe Iranin, faktorë në rritjen e importeve

Importet e naftës në Kinë u rritën 10% në prill krahasuar me një vit më parë në 2.93 milionë ton, treguan të dhënat nga Administrata e Përgjithshme e Doganave, niveli më i lartë që nga viti 2020.

Importet e prillit, të cilat barazohen me rreth 620,180 fuçi në ditë, ishin 48% më të larta se në mars, pasi tregtarët sollën më shumë dërgesa nga Venezuela dhe Irani.

Vëllimet e importit përfshinin blerjet në tregtinë e zakonshme, të cilat u nënshtrohen detyrimeve të importit dhe taksës së konsumit, si dhe importet në magazinë.

Importet në depozita arritën në 2.21 milionë ton, ose afërsisht 467,800 fuçi në ditë, gjithashtu më i larti që nga viti 2020.

“Furnizimet më të larta nga Venezuela për shkak të lehtësimit të sanksioneve kontribuan në vëllime më të mëdha,” tha një zyrtar kinez.

Importet u zgjeruan edhe pasi disa rafineri shtuan blerjet përpara se çmimet të rriteshin më tej. Ndërkohë, vëllimet e eksportit të naftës, kryesisht të asaj me përmbajtje të ulët squfuri, në muajin prill ishin 1.64 milionë ton, ose rreth 347,130 fuçi në ditë, me 10% rritje nga muaji korrespondues i vitit të kaluar.

Eksportet u rritën në raport me të njëjtin muaj të vitit të kaluar, pasi kërkesa globale për depo karburanti u forcua mes ndërprerjeve gjeopolitike të transportit detar këtë vit.

Kristi Ceta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.