Gjimnazet dhe universitetet “keqpërdorin” nxënësit – Zyra e Komisionerit, hetim në 20 shkolla. Del me rekomandime unifikuese

Shkollat publike dhe private në vend përdorin rëndom rrjetet sociale për të  pasqyruar aktivitete të zhvilluara, ndër të tjera, duke i ilustruar dhe publikuar online nëpërmjet fotografive dhe videove të nxënësve të shkollës, të marra gjatë aktiviteteve mësimore, kulturore apo festa në kundërshtim me ligjin.

Komisionari për Mbrojtjen e të Dhënave Personale ka ndërmarrë hetimeve administrative, në sektorin e arsimit të mesëm të lartë si në sferën publike, ashtu edhe atë private, në 20 shkolla në të gjithë vendin ku kjo ka qenë problematika kryesor e  identifikuar, një fenomen që ndodh rëndom pa marrë a siguruar pëlqimin paraprak të prindërve ose të kujdestarëve ligjor, shoqëruar edhe nga të tjera që lidhen me përpunimin dhe ruajtjen pa afat të të dhënave personale të individëve.

Për këtë arsye Zyra e Komisionerit ka dalë me “Rekomandimin Unifikues mbi respektimin e detyrimeve ligjore në kuadër të mbrojtjes së të dhënave personale për kontrolluesit e arsimit të mesëm të lartë”, ku janë adresuar në mënyrë të plotë problematikat dhe masat që duhen ndërmarrë për rikuperimin e tyre.

Ministria e Arsimit nga ane saj e konsideron këtë rekomandim unifikues si shumë të vlefshëm dhe ka mundësuar shpërndarjen e tij në të gjitha institucionet arsimore në vend.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.