Inflacion rekord në Gjermani – Kap nivelin më të lartë në 70 vjet!

Inflacioni në Gjermani ka arritur nivelin më të lartë që prej 70 vjetësh. Nxitur nga çmimet e energjisë dhe ushqimeve për konsumatorët rritja e çmimeve në shtator kundrejt të njëjtit muaj një vit më parë ishte 10,0 %, vuri në dukje Enti Federal i Statistikave. Në gusht rritja ishte 7,9 %.

Ekonomistët edhe në muajt e ardhshëm llogarisin me kuota rritjeje. Kuota inflacioni si aktualisht nuk ka pasur asnjëherë në Gjermaninë e ribashkuar. Në landet perëndimore të federatës janë regjistruar rritje me dhjetë % në fillim të viteve 1950, megjithatë me kalimin e kohës metodologjia e matjes ka ndryshuar.

Kuotat e larta të rritjes së çmimeve dobësojnë fuqinë blerëse të konsumatorëve dhe konsumatorëve, të cilët mund të blejnë më pak me një euro. Raporti financiar mes të ardhurave dhe shpenzimeve të njerëzve tkurret.

Sipas një sondazhi të Shoqatës së Tregtisë në Gjermani (HDE) 60 % e konsumatorëve rezervohen në blerje. Për muajt e ardhshëm madje 76 % e të anketuarve thonë, se blejnë më me kursim. Kjo ka pasoja për ekonominë më të madhe të Europës, sepse konsumi privat është një ndër shtyllat e rëndësishme të koniunkturës.

Prej muajsh energjia dhe ushqimet janë faktorët që nxisin rritjen e çmimeve. Sulmi rus ndaj Ukrainës si dhe vështirësitë me furnizimet e kanë ashpërsuar situatën gjithsesi të tensionuar. Në shtator energjia kushton 43,9 % më shumë se një vit më parë, ushqimet janë shtrenjtuar me 18,7 %. Në raport me një muaj më pare në shtator çmimet u rritën me 1,9 %. Në muajin gusht aboneja mujore e qarkullimit urban prej 9 eurosh si dhe masat lehtësuese të ndërmarra nga qeveria gjatë muajve të kaluar si p.sh. skontoja për karburantin e amortizuan disi situatën. Afati për të dyja këto masa lehtësuese mbaroi në gusht. Qeveria po planifikon lehtësime të reja si për shembull pensionistët dhe studentët do të marrin një pagesë për përballimin e çmimit të energjisë ndërsa ndihma për fëmijët do të rritet në fillim të vitit të ardhshëm. DW

E . S / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.