Planifikoni të transferoheni në Gjermani? – Sa kohë duhet të kërkoni për një apartament

Në Gjermani një numër i madh qytetarësh gjenden në vështirësi për shkak të qirave të larta dhe mungesës së apartamenteve në treg.

Sipas hulumtimit të portalit gjerman të pasurive të paluajtshme ‘ImmoScout24’, çdo i dyti person në Gjermani ka më shumë se një vit që kërkon një apartament.

Pothuajse 55 % e njerëzve janë duke kërkuar për një pronë në të cilën duan të jetojnë për më shumë se një vit, sipas një sondazhi.

Nga 1.183 personat që morën pjesë në të, 22.7 % shpenzuan më shumë se dy vjet duke kërkuar një shtëpi të re.

Rreth 64 % e tyre janë të bindur se do të gjejnë atë që kërkojnë këtë vit. Dhe 16 % e atyre që do të donin të lëviznin këtë vit janë pesimistë për rezultatin e kërkimit të tyre. Tregu është shumë i tensionuar, sipas ImmoScout24. Qiratë janë rritur prej vitesh, çka do të thotë se lëvizja shoqërohet me kosto shtesë.

Shoqata Gjermane e Qiramarrësve, thekson se strehimi më i përballueshëm mund të arrihet vetëm me mbështetjen e duhur nga shteti.

Sipas saj, një sektor i madh i banesave jofitimprurëse do të ishte një garanci për strehim të përhershëm të përballueshëm, prandaj po bëhen përpjekje për zbatimin e kësaj marrëveshjeje.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.