Interesat e bonove shënojnë rritje modeste- Rënie e pranisë së investitorëve në ankandin e fundit, ndërkohë që bankat rrisin normat

Pasi thuasje prekën kuotën 3%, aq sa është edhe norma bazë e interesit të përcaktuar nga Banka e Shqipërisë, bonot 1-vjeçare kanë shënuar në ankandin e kësaj jave një rritje modeste. Sipas të dhënve zyrtare të Ministrisë së Financave, Yieldi mesatar i bonve me afat maturimi 1-vjeçar shkoi në 3.14% këtë javë. Në dy ankandet e mëparëshme ato kishin shënuar edhe vlerën më pranës kuotës kufi të normës bazë të interesit në nivelin 3.09%.

Përvecc rritjes së lehtë, ankandi i kësaj jave ka pasur edhe një veccori tjetër, rënien e kërkesës për investim në këtë isntrument. Ndërsa në ankandet e mëparshëm, kërkesa për të blerë ka qenë shumë më e lartë në raport me shumat e shpallura nga qeveria, këtë jave, nivelet kanë qenë shumë pranë njëri-tjetrit. Shuma e shpalluar nga Qeveria këtë javë ishte 7.2 miliardë lekë, ndërsa vlera totale e propozuar nga investitorët ishte 7.32 miliardë lekë.

Për të kuptuar sa e fortë është rënia e pranisë së investitorëve kujtojmë se në ankandin e javës së fundit të qershorit, shuma e shpallur nga Ministria e Financave ishte 7 miliardë lekë, ndërsa kërkesa nga investitorët mbi 11 miliardë lekë. Po ashtu edhe në ankandin e mëparshëm të 20 qershorit. Shuma e shpallur nga Ministria ishte 7.5 miliardë lekë, ndërkohë që investitorët kërkuan 12.2 miliardë lekë.

Rënia e interesit të investitorëve lidhet me uljet e forta që pësoi gjatë gjithë këtij viti yieldi i këtij instrumenti, por edhe me rritjen e normave të depozitave nga ana e bankave tregtare. Aktualisht në treg ekziston të paktën një ofertë për depozitë një vjeccare me normë interesi 3%. Një normë kaq e lartë, thuajse e barabartë me yieldin e bonove një vjeccare zor se do t’i nxiste individët të tërhiqnin depoztat bankare në kërkim të përfitimeve më të larta nga letrat me vlerë të qeverisë.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.