Investimet në energji të rinovueshme – Ndryshojnë procedurat, Balluku: Dokumentet e pronësisë, që në fazën e aplikimit
Kompanitë që duan të investojnë në ndërtimin e burimeve të rinovueshme të energjisë do të duhet që të dorëzojnë dokumentacionin e tokës, qoftë kjo në pronësi apo me qira, që në fazën e aplikimit”.
Ministrja e Infrastrukutrës dhe Energjisë, Belinda Balluku njoftoi ndryshimet në procedurat aktuale, që kanë ardhur si pasojë e problemeve të konstatuara më herët në këtë drejtim.
Paralelisht, Balluku njoftoi se pranë Agjencisë së Eficiencës së Energjisë do të ngrihet një platformë elektronike për monitorimin e konsumit të energjisë, teksa të dhënat do të mund të përdoren për politika të kursimit të energjisë në të ardhmen.
Vendimet, u komunikuan nga Balluku në përfundim të mbledhjes së qeverisë.
Ola Mitre/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.