ISHP tender 5.1 milionë lekë për mirëmbajtjen stacionare të ajrit – Operatori Ekonomik duhet të kryej proceset ekzaminuese, testuese dhe ndërhyrje për riparim

Instituti i Shëndetit Publik ka hapur procedurë prokurimi me objekt marrëveshje “Shërbim i mirëmbajtjes së stacionarëve të ajrit” dhe me fond limit rreth 5.1 milionë lekë pa TVSH.

Lloji i procedurës së prokurimit është e hapur e thjeshtuar me mjete elektronike, shërbime, dhe marrëveshje kuadër me një operator ekonomik ku të gjitha kushtet janë të përcaktuara me afat mujor 12 muaj. Ndërkohë afati i fundit për paraqitjen hdhe hapjen e ofertave është data 4 korrik të këtij viti.

Fillimisht Operatori Ekonomik duhet të kryejë proceset ekzaminuese, testuese dhe nëse do të jetë rasti dhe ndërhyrjen për riparimin dhe rikthimin e njësive stacionare të ajrit në kushte funksionale drejt aplikimit të tyre duke garantuar siguri, funksionalitete, aplikueshmëri dhe aksesueshmëri.

Shërbimi i mirëmbajtjes parandaluese duhet të kryer për të parandaluar defektet që lidhen me përdorimin e pajisjeve Stacionare të Ajrit dhe pjesëve përbërëse të saj, për të ruajtur sistemin e pajisjeve në gjendjen e duhur të funksionimit, për të siguruar cilësinë dhe besueshmërinë e rezultateve, për të evidentuar gjendje të tilla si vjetrimi apo përkeqësimi i performancës së pajisjes.

Sipaskritereve përcaktuese në Dokumentet e Tenderit, ndërhyrjet duhet të synojnë nxjerrjen në pah të të gjitha situatave të rrezikut të mundshëm dhe të identifikojnë veprimet korrigjuese me qëllim rritjen e nivelit të sigurisë së paisjes, duke marrë parasysh kushtet specifike mjedisore dhe operative në të cilat ato operojnë me pajisjet dhe karakteristikat individuale të projektimit dhe ndërtimit të tyre, duke iu referuar periudhës së vendosjes së tyre në treg.

Në lidhje me çdo mospërputhje të zbuluar gjatë zbatimit të kontrolleve dhe sipas nivelit të rrezikut të identifikuar, i Kontraktuari do të paraqesë raport të hollësishëm teknik tek Kontraktuesi.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.