Kërkesa globale për litium është trefishuar në pesë vitet e fundit – Kërkesa më e madhe se oferta: Çmimet pritet të rriten në vazhdimësi

Tregu i metaleve dhe mineraleve të nevojshme për prodhimin e automjeteve elektrike, turbinave me erë, paneleve diellore dhe teknologjive të tjera të pastra është dyfishuar në periudhën 2017-2022. Kjo ka bërë që kërkesa globale për litium të trefishohet në pesë vitet e fundit

Kërkesa globale për litium është trefishuar gjatë pesë viteve të fundit, sipas të dhënave zyrtare të Agjencisë Ndërkombëtare të Energjisë, në rishikimin e saj të fundit të tregut të mineraleve kritike.

Në raportin më të fundit thuhet se kërkesa për kobalt është rritur me 70 % në të njëjtën periudhë, ndërsa kërkesa për nikel me 40 %.

Në tërësi, tregu i metaleve dhe mineraleve të nevojshme për prodhimin e automjeteve elektrike, turbinave me erë, paneleve diellore dhe teknologjive të tjera të pastra është dyfishuar në periudhën 2017-2022, thekson agjencia me bazë në Paris.

Çmimet e litiumit janë vendosur të zgjasin rimëkëmbjen e tyre, pasi kërkesa tejkalon rritjen e furnizimit me litium më të dobët se sa pritej, e mbështetur nga përdorimi në rritje i automjeteve elektrike për të përmbushur objektivat e emetimit të karbonit.

Rritja e fundit e çmimeve të litiumit pason një periudhë pesëmujore gjatë së cilës ra më shumë se 70 % pasi Kina frenoi subvencionet e automjeteve elektrike në janar, një lëvizje që çoi në rënie të kërkesës dhe rritje të inventarëve. Tani këto inventarë janë duke u kthyer prapa dhe të paktën një ndërmjetës, Morgan Stanley, beson se tregjet e litiumit kanë arritur një pikë kthese.

Litiumi është një element i rëndësishëm për të krijuar energji të rinovueshme duke pasur parasysh përdorimin e tij në bateritë litium-jon, të përdorura për të fuqizuar automjetet elektrike dhe për të ruajtur energjinë e gjeneruar nga burime të rinovueshme si energjia diellore dhe e erës. Ndërsa më shumë vende lëvizin drejt energjisë së pastër, kërkesa për litium pritet të vazhdojë të rritet, gjë që do të rrisë çmimin e tij, edhe pse oferta rritet.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.