Kërkohet më shumë buxhet për mbrojtjen sociale – “Rimbursim për terapinë e fëmijëve me sindromën down, paketë për kancerin e gjirit”

Shoqatat që përfaqësojnë kategori të ndryshme sociale në vend kërkojnë nga qeveria rritjen e buxhetit për mbrojtjen sociale. Konkretisht kërkohet mbështetje financiare për fëmijët me sindromën down të cilët nuk arrijnë të marrin shërbim në institucionet shtetërore si dhe kostifikimi i një pakete për gratë me kancer gjiri apo fetilizimin invitro.

Rezarta Caushaj, Down Sindrome albania: “Shërbimet bazë për fëmijët me aftësi te kufizuara të merren në privat dhe të jenë të rimbursueshme në masën 50 për qind nga çmimi i tregut që është 2 mijë lekë seanca, te paktën për 2 orë në javë”.

Donika Godaj, Shoqata Kristiane e Grave Shqiptare: “Ka ardhur koha të ketë një paketë të plotë të kancerit të gjirit, një zë për sigurimin e parukeve dhe protezës se gjirit, që është dhe hapi i parë për t’iu ardhur në ndihmë.  Ekografi falas për të gjitha gratë siç është mamografia”.

Redina Çanaku,  Together for Life: “Nuk gjejmë informacione për çifte që përfitojnë nga kostimi i fertilizimit.”

Disa nga kërkesat e grupeve të interesit kanë marrë përgjigje nga përfaqësues të Ministrisë së Shëndetësisë.

Mira Rakacolli, Zv. Ministre e Shëndetësisë dhe Mbrojtjes Sociale: “Protezat do ti ofrojmë falas. Ndërsa eko bëhet në raste vetëm kur referohet. Mamografia është falas dhe ka rezultuar më efektive. Fertilizimi in vitro është komplet i realizuar, së shpejti do të kemi përfituesit e parë.

Ndërsa një pjesë e propozimeve të prezantuara nga grupet e interesit në Komisionin parlamentar për Punën, Çështjet Sociale dhe Shëndetësinë do të referohen në Komisionin e Ekonomisë.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.