Kinë, ligjet e reja për spiunazhin ‘trembin’ kompanitë amerikane – Forcohen rregullat për mbrojtjen e sigurisë kombëtare

Ligjet e reja për spiunazhin dhe marrëdhëniet ndërkombëtare në Kinë, trembin kompanitë amerikane. Atokanë hyrë në fuqi nga 1 korriku me synimin për të përforcuar rregullat për mbrojtjen e sigurisë kombëtare. Pasojat pritet të ndihen më shumë tek investitorët amerikanë

Shtrëngimi i ri i Kinës në marrëdhëniet ndërkombëtare rrezikon të ndërlikojë më tej jetën e bizneseve dhe investitorëve që shikojnë nga Pekini. Kjo u theksua nga një analizë e CNBC, duke vlerësuar ndikimin e dy masave që hynë në fuqi më 1 korrik: njëra për spiunazhin dhe tjetra për marrëdhëniet me jashtë, të bashkuara nga përdorimi i kufizimeve për “sekretet shtetërore” të cilat mund të interpretohen nga autoritetet lokale dhe qendrore.

Frika e investitorëve, nxitet nga bastisjet e autoriteteve kineze në firmat ndërkombëtare të konsulencës, të kryera pa dhënë shpjegime shtesë për ndërhyrjet. Teorikisht, masat e reja nuk duhet të përkthehen në rreziqe të menjëhershme për kompanitë që operojnë në Republikën Popullore. Në fakt, rreziku i denoncuar nga disa analistë është rritja e pasigurisë për mjedisin e biznesit dhe rrezikimi i marrëdhënieve tashmë të lëkundura midis Uashingtonit dhe Pekinit.

Ligji për spiunazhin e shtrin perimetrin e “akteve të spiunazhit” në raste të reja, si tentativat për “marrje të paligjshme” të të dhënave që kanë të bëjnë me sigurinë kombëtare. Sipas raporteve, rregulli i ri fton “të gjitha nivelet” e qeverisë kineze që të administrojnë më mirë masat paraprake të sigurisë kundër ndërhyrjeve nga jashtë. Kompanitë e huaja që mbërrijnë në Pekin “nuk duhet të rrezikojnë sigurinë kombëtare të Kinës, të dëmtojnë interesin publik të kompanisë ose të minojnë rendin publik të saj”. Pyetja është se si do të zbatohej masa, duke pasur parasysh qasjen aspak të butë të Pekinit ndaj kompanive amerikane. Vetëm muajt e fundit, sipas Reuters, ka pasur bastisje nga autoritetet kineze në zyrat e Mintz Group në Pekin, në zyrat e firmës së konsulencës Bain në Shangai dhe hetime për grupin Capvision Partners.

Disa analistë janë të kujdesshëm në lidhje me ndikimin e menjëhershëm të masave të miratuara në Pekin. Sipas tyre klima aktuale e marrëdhënieve ndërkombëtare dhe presionet politike konkurruese mund të bëjnë që disa kompani të rivlerësojnë analizën e tyre kosto-përfitim të pranimit të rreziqeve të të bërit biznes në Kinë.

Vendimi i qeverisë kineze vjen në sfondin e marrëdhënieve gjithnjë e më të përkeqësuara midis Pekinit dhe Shteteve të Bashkuara të Amerikës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.