Kompromis me Greqinë për të “çuar” detin në Hagë – Xhaçka takohet me Dendias: Kapitull i ri mes dy vendeve

Çështja e kufirit detar me Greqinë do të dërgohet në Gjykatën Ndërkombëtare të Hagës. Ky kompromis është arritur ndërmjet dy ministrave të jashtëm të Shqipërisë dhe Greqisë këtë të mërkurë në Tiranë. Ministrja Olta Xhaçka është shprehur se në takimin me homologun e saj grek, ka vullnet për të arritur rezultate të mira nga ky kompromis.

“Kemi mirëkuptim për të trajtuar dhe për të kërkuar zgjidhje për të gjitha çështjet, një nga ajo, ishte dhe marrëveshja me detit, të dyja palët kanë vullnetit për një kompromis për referimin e çështjet në Hagë, bashkëpunimi, si fusha sociale, kultura, janë ura për thellimin e bashkëpunimit.”

Ministri i Jashtëm Nikos Dendias e konsideroi të rëndësishëm  vendimin për detin në këtë takim duke deklaruar se do të do të shërbejë si një kapitull i ri për marrëdhëniet dypalëshe mes dy vendeve.

“Sot ne patëm mundësinë për të folur marrëdhëniet tona dypalëshe. Folëm për marrëveshjen e para dy viteve, që të arrijmë të çojmë në Hagë për detin edhe të shelfit kontinental. E drejta ndërkombëtare e detit është ajo që do rregullojë marrëdhëniet dypalëshe dhe do krijojë një kapitull të ri të marrëdhënieve tona dypalëshe.”

Për procesin e anëtarësimit në BE ministri I jashtëm premtoi se Greqia do ta mbështesë Shqipërinë për t’u futur në Bashkimin Europian.  Në këtë takim u diskutua dhe shfuqizimi i Ligjit të Luftës.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.