Konsumatorët rrisin kërkesën për vaj ulliri – Lame: Rritja e kostove, sezoni i ardhshëm sjell çmime më të larta

Rritja e çmimit të vajit të lulediellit në vend në një shifër rekord për shkak të konfliktit Rusi-Ukrainë, ka kthyer “sytë” e qytetarëve drejt konsumit të vajit të ullirit.

Në një instervistë për SCAN TV, Xhezo Lame, kultivues ullirit dhe përpunues i vajit, shprehet se është vënë re një kërkesë në rritje për këtë produkt, pavarësisht se është prodhim i sezonit të kaluar. Aktualisht një litër vaj ulliri shitet mesatarisht 700 lekë.

Por rritja e kostove në tërësi, pritet të reflektohet edhe në çmimin e vajit të ullirit në sezonin e ardhshëm.

Vendi ynë prodhon afro 100 mijë ton ullinj në vit dhe afro 20 mijë ton vaj ulliri edhe pse mundësitë dhe kapacitetet janë më të larta, për shkak se afro gjysma e ullinjve nuk futen në prodhim.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.