Kredo Finance, pjesë e ‘Albanian Exellence’, eventit që bashkoi gratë e suksesshme

Në dekadat e fundit, ka pasur një lëvizje për barazi më të madhe gjinore duke rritur nevojën për të mbyllur hendekun gjinor të pagave apo për të ndryshuar balancat në pozicionet kyçe të kompanisë. Edhe pse janë bërë hapa të jashtëzakonshëm në të gjithe botën në këtë aspekt, ka ende një mungesë thelbësore të grave në role drejtuese. Ky pasqyrim është mëse i vërtetë edhe në Shqipëri, dhe kjo bie në sy rëndom kur në shumicën e eventeve madhore përfaqësuesit janë gjithmone meshkuj.

Sipas studimeve të fundit zbulohet se kompanitë me diversitet më të madh gjinor, jo vetëm brenda fuqisë së tyre punëtore, por drejtpërdrejt midis drejtuesve të lartë, janë dukshëm më fitimprurëse se ato pa diversitet gjinor. E megjithatë shprehja diversitet gjinor, duket sikur e përfshin gjininë femërore në drejtim sepse duhet apo sepse duket bukur!

Edhe pse duket sikur bota kështu funksionon, në vendin tonë i cili shpesh herë na provon se është vendi i çudirave duket se ngadalë kompanitë po marrin një kthesë interesante përsa I përket barazizë gjinore. Shqipëria është e njohur për gra inteligjente me karaktere të forta, me qëllime të qarta dhe vullnet të hekurt! E kështu këto heroina të jetës së përditshme duket se po marrin stafetën në drejtimin e ekonomisë vendase!

Më datat 17-19 Mars, Albanian Exellence ka organizuar një event ku të ftuara kanë qenë të gjitha femra të sukseshme, sipërmarrëse, drejtuese të larta; histori suksesi individuale drejtimi i të cilave ka bërë ndryshimin në suksesin e kompanive që ato drejtojnë!

Albanian Excellence organizoi një takim të nivelit të lartë të zonjave të suksesit shqiptar nga të gjitha trojet shqiptare nën siglën “Suksesi i zonjave shqiptare dje dhe sot-sfidat e së ardhmes”.

Tri ditët e këtij takimi , ishin ditë të mbushura me emocion rrëfimi njerëzor të zonjave… Muzikë, arte, mjekësi, biznes, sistem mikrofinanciar, media, estetikë, biznes, politikë, konceptuar në sallone, ishin fokusi i këtij takimi me të paktën 100 zonja nga e gjithë hapësira mbarëshqiptare dhe jo vetëm.

Një hapësirë të dedikuar në këtë organizimin kishte dhe Kredo Finance, e cila tashmë prej 5 vitesh në treg drejtohet tërësisht nga femra të cilat kanë dhënë të gjithë talentin e tyre për ta kthyer Kredo Finance në një histori suksesi të menjëhershme, dhe një faktor konkurues serioz për të gjithe tregun e kompanive mikrofinanciare.

Gjatë një ore drejtueset e disa prej departamenteve më të rendesishme rrëfyen jeten e tyre, sakfrificat, orë e gjata të punës si dhe mënyrëm se si ato e balancojnë jeten e tyre. Ajo që bëri përshtypje në audiencë është miqësia dhe dhimbshuria e thellë që këto drejtuese kishin për njëra tjetrën dhe për atë çka secila prej tyre përfaqëson në kompani, në jetë dhe në shembullin që ato japin çdo ditë.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.