Kultivimi i kanabisit “ndez” shëndetësinë – Deputetët e opozitës kundër: Tërhiquni, pasoja të paparashikueshme

Deputetët e opozitës në Komisionin e Shëndetësisë janë shprehur kundër projektligjit për kultivimin dhe përpunimin e kanabisit për arsye shëndetësore dhe industriale, duke theksuar se kjo iniciativë përkthehet në legalizim të drogës në vend dhe se qeveria shqiptare nuk ka kapacitete kontrolluese.

Sipas deputetëve, pasojat në shëndet dhe përdorimin pa kriter tek të rinjtë do të jenë të paparashikueshme. Këto argumente kanë shkaktuar debate, ku Ministrja e Shëndetësisë theksoi se qëllimi është kultivimi i kontrolluar i kësaj bime për qëllim eksporti.

Po ashtu deputetët e opozitës kanë ngritur shqetësimin se po synohet që kjo nismë të kalojë me nxitim deri më 20 Korrik, gjë që sipas tyre ngre dyshime.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.