Kush përfiton më shumë ndihmë ekonomike? – Në Tiranë aplikuan 2.434 familje, përfituan 2.230 prej tyre

Në kryeqytet kanë përfituar ndihmë ekonomike 2.230 familje, nga 2.434 aplikantë në total përgjatë vitit 2023.

Por cilat janë përfituesit sipas kategorive?

Referuar të dhënave të Open Data Tirana, personat që kanë përfituar më shumë ndihmë ekonomike, janë individët me status jetimi nga të cilët janë trajtuar 338 individë.

Por, për kategorinë e personave që kanë përfituar nga fondi 6% i buxhetit vendor në Bashkinë e Tiranës janë 213 në total. Ndërsa për ata individë të cilët janë viktima të dhunës në familje kanë përfituar 196 persona.

Sipas renditjes së përfituesve, fëmijët të vendosur në familje kujdestare kanë përfituar 48 në total.

Sipas të dhënave, përfitues të ndihmës ekonomike janë dhe ata prindër me më shumë se dy fëmijë të lindur njëherësh. Për ata prindër që kanë trinjakë kanë përfituar 10 familje dhe vetëm një për katërnjakë.

Një tjetër kategori e cila është trajtuar me ndihma ekonomike janë dhe ata individë të cilët janë viktima trafikimi ku kanë përfituar vetëm 4 gjithsej.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.