Elon Musk lë klientët në “errësirë” – Shkarkon të gjithë punonjësit e departamentit të karikimit të makinave

Vendimi i papritur i Elon Musk për të pushuar nga puna punonjësit që drejtonin biznesin e karikimit të automjeteve elektrike të Tesla-s ka prekur edhe prodhuesit e tjerë të automjeteve që po përgatiteshin për të pajisur automjete të reja elektrike për klientët që të përdorin rrjetin Tesla Supercharger.

Për momentin, General Motors, Ford dhe prodhues të tjerë të automjeteve, që arritën marrëveshje vitin e kaluar për t’u dhënë klientëve akses në rrjet, thanë se nuk po ndryshojnë planet e tyre.

Vendimi i Tesla-s për të hapur rrjetin e saj për prodhuesit rivalë të automjeteve elektrike u përshëndet nga Presidenti i SHBA, Joe Biden, dhe bëri që Tesla të merrte subvencione federale për të zgjeruar shtrirjen e sistemit të saj të Standardeve të Karikimit në Amerikën e Veriut.

Vendimi i Musk për të shkarkuar kreun dhe të gjithë stafin që operonte dhe mirëmbante sistemin, shtoi pasigurinë për të ardhmen tek prodhuesit e tjerë të automjeteve dhe furnizuesit.

Por, Elon Musk deklaroi se po planifikon të zgjerojë rrjetin Supercharger, por me një ritëm më të ngadaltë për vendndodhje të reja dhe zgjerimin e atyre ekzistuese.

Disa drejtues të industrisë dhe analistë thanë se Musk mund të kishte shpërbërë ekipin ekzistuest të Supercharger për të ndërtuar një ekip më të dobët dhe më pak të kushtueshëm për të drejtuar operacionet. Megjithatë, Musk bëri të qartë në një telefonatë me analistët në fillim të këtij muaji se ai është i fokusuar në mundësitë në inteligjencën artificiale, robotikën dhe robotaksi autonome.

Tesla javën e kaluar raportoi fitime më të ulëta në tremujorin e parë dhe rënie të të ardhurave për herë të parë që nga viti 2021. Edhe pas një rritjeje gjatë javës së kaluar, aksionet e Tesla kanë rënë rreth 26% gjatë këtij viti.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.