Kush preket nga projekti i Zonës së Teknologjisë dhe Zhvillimit në Tiranë – Zbardhet lista/ 62 prona private, 42 shtetërore. Sipërfaqen më të madhe e kanë privatët

Në mbledhjen e fundit, Këshilli i Ministrave miratoi vendimin për shpalljen “Zonë e teknologjisë dhe zhvillimit ekonomik” (TEDA), Tiranë, të një territori me sipërfaqe 35 hektarë.

Projekti parashikon një investim më shumë se 102 milionë euro për krijimin në Tiranë të një zonë ku do të stimulohen investime në industrinë prodhuese si automobilë, teknologji informacioni, pajisje elektronike apo ageropërpunuese.

Vendimi parashikon nisjen e një procesi shpronësimesh në znën që prek projekti me afat minimal 35 vjeçar. Nëse analizojmë vendimin që tashmë ka marrë fuqi ligjore, rezulton se procesit të shpronësimeve do t’i nënshtrohen 104 prona, nga të cilat 62 janë privatë dhe 42 janë shtetërore. Në total, sipërfaqja që do t’u shpronësohet privatëve është 18.2 hektarë.

Projekti i zonës së lirë përfshin zonën e Kasharit në kryeqytet. Sipërfaqet që prek projekti janë në Yzberisht, Gropaj dhe Kashar dhe ato do t’i nënshtrohen shpronësimit ose marrjes në përdorim të përkohshëm për interes publik.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.