Ky terminal i ri aeroporti europian do të ketë një vresht mbi çatinë e tij!

Nga rrokaqiejt “Walkie Talkie” në Londër, në Aeroportin Ndërkombëtar Carrasco në Uruguaj, portofoli i firmës Rafael Viñoly Architects me bazë në Nju Jork përbëhet nga qindra projekte që shtrihen në pesë kontinente. Shtesa më e fundit, e shpallur në janar, do të jetë një terminal i ri ndërkombëtar në Aeroporto Amerigo Vespucci në Firence, kryeqyteti i rajonit italian të Toskanës.

Struktura do të shërbejë “si një pikë referimi e re për të ardhmen e qëndrueshme të qytetit”, sipas firmës, dhe si një homazh për trashëgiminë prodhuese të verës të rajonit, do të ketë një vresht në çati.

“Koncepti i ndërtesës është të rikrijojë peizazhin më të rëndësishëm toskan, që është vreshti dhe më pas të zhvishet një skaj i vreshtit nga dyshemeja për të krijuar një pjerrësi dhe për të rrëshqitur një aeroport nën atë shpat,” thotë Román Viñoly, drejtor i Rafael Viñoly Architects.

E vendosur të përfundojë në dy faza, të parashikuara për 2026 dhe 2035, Viñoly thotë se qëndrueshmëria është në zemër të strukturës së re, duke e quajtur atë një “përgjegjësi morale të kujtdo që ndërton diçka”.

Sektori i ndërtimit dhe mjedisi i ndërtuar janë përgjegjës për 40% të emetimeve globale të karbonit të lidhura me energjinë. Ndërkohë rreth 2.5% e të gjitha emetimeve prodhohen nga aviacioni komercial. Përpjekjet për të reduktuar këtë ndikim janë fokusuar shpesh në risitë në karburantin e avionëve, duke përfshirë karburantin e prodhuar nga vaji i gatimit, madje edhe ujërat e zeza, por ky projekt i ri e kthen vëmendjen te funksionimi dhe ndërtimi i vetë aeroportit.

Atraksioni kryesor i dizajnit, një vresht prej 19 hektarësh, vepron si një çati e gjelbër e pjerrët, për të cilën hulumtimet tregojnë se mund të ketë përfitime mjedisore, si ndihma në izolimin e ndërtesës. Së bashku me dizajnin e pjerrët, çatia do të ketë karakteristika të tjera të projektuara për efikasitet energjetik. Megjithatë, kur pasagjerët të shikojnë lart, ata nuk do të jenë në gjendje të shohin asnjë frut.

Në fund të fundit, aeroportet më të gjelbra nuk do të kenë një ndikim të konsiderueshëm në reduktimin e emetimeve të aviacionit. Nevoja më e rëndësishme dhe urgjente është reduktimi i emetimeve nga vetë linjat ajrore. Dhe ndërsa linjat ajrore në të gjithë globin janë zotuar të arrijnë zero neto në gazet serrë deri në vitin 2050, industria nuk është ende në rrugën e duhur për të arritur këtë objektiv.

​Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.