Investim 13 milionë euro për modernizimin e rrjetit elektrik në Kamzë – Karakaci: Kanë përfunduar 40% e punimeve
Punimet për ndërtimin e nënstacionit të ri elektrik në Kamzë kanë arritur në 40% të realizimit, ndërsa investimi pritet të përmirësojë ndjeshëm sigurinë dhe cilësinë e furnizimit me energji elektrike për mijëra abonentë në zonë.
Gjatë një vizite në kantier, ministri i Infrastrukturës dhe Energjisë, Enea Karakaçi, e cilësoi projektin si një nga investimet më të rëndësishme në sektorin energjetik, duke theksuar se ai po zbatohet falë bashkëpunimit mes qeverisë shqiptare dhe asaj gjermane.
“Ky është një projekt strategjik që shkon përtej ndërtimit të një nënstacioni të ri. Ai është pjesë e një programi prej 30 milionë eurosh që përfshin digjitalizimin e nënstacioneve dhe rehabilitimin e 12 nënstacioneve të tjera në vend”, u shpreh Karakaçi.
Sipas ministrit, investimi prej 13 milionë eurosh do të modernizojë rrjetin e shpërndarjes përmes vendosjes së fiderave të rinj 20 kilovolt, duke rritur kapacitetet dhe besueshmërinë e sistemit.
Nga ana e tij, administratori i Operatorit të Sistemit të Shpërndarjes së Energjisë Elektrike (OSHEE), Blendian Dalipi, bëri të ditur se nënstacioni i ri 120 kilovolt do të zëvendësojë infrastrukturën ekzistuese, e cila ka qenë në funksion prej rreth gjashtë dekadash.
“Ky investim do të rrisë ndjeshëm cilësinë e furnizimit me energji për afro 5 mijë abonentë, ndërsa kapaciteti do të zgjerohet nga 8 megavat në 80 megavat, pra dhjetë herë më shumë se aktualisht”, tha Dalipi.
Ai shtoi se punimet kanë nisur në tetor të vitit 2025 dhe synohet të përfundojnë në mars të vitit 2027. Paralelisht me ndërtimin e nënstacionit, po vijon edhe faza e dytë e projektit, e cila parashikon instalimin e tetë fiderave të rinj dhe zgjerimin e rrjetit të tensionit të ulët.
Në inspektim ishte i pranishëm edhe ambasadori i Gjermanisë në Tiranë, Karl Bergner, i cili vlerësoi bashkëpunimin mes dy vendeve në fushën e energjisë.
“Është koha e duhur që ky nënstacion i vjetër të zëvendësohet me një infrastrukturë moderne, e cila do të garantojë një furnizim më të qëndrueshëm me energji për qytetarët”, deklaroi Bergner.
Ambasadori theksoi gjithashtu se investimet e përbashkëta në sektorin energjetik, përfshirë linjën 400 kilovolt me Maqedoninë e Veriut, do të rrisin stabilitetin e rrjetit dhe do të krijojnë mundësi më të mëdha për eksportin e energjisë elektrike nga Shqipëria, në përputhje me standardet e Bashkimit Europian.
Bashkitë trefishojnë të ardhurat nga taksat - Arkëtojnë 238 milionë euro në 5 muaj, tejkalohet plani mbi 100 %
61 bashkitë në Shqipëri kanë rritur ndjeshëm performancën në mbledhjen e të ardhurave gjatë këtij viti. Sipas të dhënave zyrtare nga Ministria e Financave,......
Mbi 1.25 milionë udhëtarë fluturuan nga TIA në maj/ Wizz Air dhe Ryanair dominuan tregun ajror shqiptar
Aeroporti Ndërkombëtar “Nënë Tereza” ka publikuar së fundmi statistikat mbi trafikun ajror gjatë muajit maj, duke treguar një rritje të aktivitetit të......
Mbi 1 milionë të huaj në Shqipëri gjatë majit/ Vizitorët nga jashtë u rritën me 15.9%, kryesojnë ata nga Europa Jugore
Sipas të dhënave të publikuara nga Instituti i Statistikave, gjatë muajit maj në Republikën e Shqipërisë janë regjistruar mbi 1.88 milionë hyrje të shtetasve......
Austria kryeson investimet e huaja në Shqipëri - Me 60 milionë euro në fillim të 2026. Lë pas Italinë, Holandën dhe Turqinë
Austria, Italia, Holanda dhe Turqia janë vendet që sollën më shumë investime në Shqipëri gjatë tremujorit të parë të vitit 2026. Të dhënat më të fundit nga......
Ndërtimet në zona të mbrojtura ujore, 300 mijë euro gjobë - Udhëzimi/ Shkeljet në sektorin e peshkimit, masat në raport me dëmin
Gjobat në sektorin e peshkimit do të vendosen në raport me dënim e shkaktuar. Sipas udhëzimit të fundit të Ministrisë së Bujqësisë, i botuar në Fletoren......
Sa këmbehen sot valutat kryesore? – Dobësohet Dollari amerikan. Paundi britanik fiton pikë
Dollari amerikan pas rritjes së vazhdueshme që regjistroi përgjatë kësaj jave ka pësuar një zbritje të lehtë të kuotës mëngjesin e sotëm duke u blerë sot me......
Tregu i fitnesit drejt mbingopjes - Tërpo: Konkurrenca është shumë e lartë
Në çdo zonë të kryeqytetit, palestrat janë bërë pjesë e zakonshme e peizazhit urban. Nga qendrat e mëdha të fitnesit, te studiot e vogla në lagje, ofertat......
Më shumë mjete elektrike, më pak ndotje - DPSHTRR: Janar-Maj, u regjistruan gati 5 mijë njësi
Drejtoria e Përgjithshme e Shërbimeve të Transportit Rrugor bën të ditur se gjatë pesëmujorit të parë të vitit janë regjistruar për herë të parë 4.939 mjete......
