Nga siguria ushqimore tek kompensimet e pronarëve, publikohen vendimet që miratoi qeveria
Agjencia për Media dhe Informim ju njofton lidhur me Vendimet dhe projektligjet e miratuara në mbledhjen e sotme të qeverisë, datë 10 qershor 2026:
Këshilli i Ministrave vendosi:
-Propozimin e projektligjit “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim teknik 2025”, nënshkruar në Tiranë, më 5 maj 2026, në kuadër të projektit “Mbështetje e përafrimit të Shqipërisë me BE-në në fushën e sigurisë ushqimore”, për shqyrtim e miratim në Kuvendin e Republikës së Shqipërisë.
-Propozimin e projektligjit “Për ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për hekurudhat shqiptare – rehabilitimi i hekurudhës Tiranë-Durrës dhe ndërtimi i lidhjes hekurudhore me Aeroportin Ndërkombëtar të Tiranës: zgjerimi i projektit”, për shyrtim e miratim në Kuvendin e Republikës së Shqipërisë.
-Miratimin e Planit Kombëtar për Përshtatjen ndaj Ndryshimeve Klimatike 2026-2036. Ngarkohen Ministria e Mjedisit dhe të gjitha ministritë e institucionet përgjegjëse për zbatimin e këtij vendimi.
-Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Italisë, për zbatimin e projektit “Mbrojtja e pasurive pyjore të Shqipërisë - Bashkëfinancim i AICS për projektin e financuar nga BE-ja “EU for Forests” – AID 13419”.
-Miratimin e Planit Kombëtar të Veprimit për Personat me Aftësi të Kufizuara 2026-2030. Ngarkohen të gjitha ministritë dhe institucionet, sipas fushës së përgjegjësisë, për zbatimin e këtij vendimi.
-Miratimin e raportit vjetor për ndihmat shtetërore të vitit 2025.
-Përcaktimin e rregullave, dokumentacionin, afatet dhe procedurat e detajuara për plotësimin, dorëzimin dhe shqyrtimin e kërkesës për organizimin e vullnetarizimit nga personi juridik fitimprurës.
-Shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Ndërtim depoje në zonën e Qytetit të Nxënësve” në favor të Ujësjellës-Kanalizimeve Tiranë, sh.a. .
-Miratimin, në parim, të marrëveshjes së zbatimit, ndërmjet Këshillit të Ministrave të Republikës së Shqipërisë, përfaqësuar nga Ministria e Infrastrukturës dhe Energjisë, dhe Deutsche Gesellschaft für Internationale Zusammenarbeit (GIZ) GmbH, për projektin “SUTi – transporti i qëndrueshëm urban në Shqipëri II”.
-Krijimin e rezervës së armatimeve dhe të pajisjeve teknologjike për forcat e armatosura nga subjektet e licencuara.
-Miratimin e listës së inventarit të pronave të paluajtshme shtetërore, të cilat i kalojnë në përgjegjësi administrimi Ministrisë së Arsimit, për Universitetin e Mjekësisë, Tiranë, për ushtrimin e aktivitetit, sipas fushës së saj të përgjegjësisë shtetërore.
-Kompensimin financiar të pronarëve të pasurive të paluajtshme, pronë private, për sipërfaqet takuese, të zëna nga ndërtimet e legalizuara në drejtoritë vendore të Agjencisë Shtetërore të Kadastrës: Tiranë Veri, Kamzë-Vorë, Tiranë Rurale 1, Durrës-Kavajë-Krujë, Elbasan, Fier, Lezhë, Tiranë Rurale 2, Vlorë, Shkodër, Pogradec, Sarandë, Zonat e Stimuluara, Gjirokastër, Kukës, Lushnjë dhe Tiranë Jug. Vlera e përgjithshme e kompensimit financiar është 870 762 086,47 (tetëqind e shtatëdhjetë milionë e shtatëqind e gjashtëdhjetë e dy mijë e tetëdhjetë e gjashtë presje dyzet e shtatë) lekë, për sipërfaqen 85 140,35 (tetëdhjetë e pesë mijë e njëqind e dyzet presje tridhjetë e pesë) m².
Projektligji, Qeveria miraton modelin e ri të organizimit dhe llogaridhënies në administratën shtetërore
Agjencia për Media dhe Informim ju bën me dije se Këshilli i Ministrave miratoi sot projektligjin “Për disa ndryshime në ligjin për organizimin dhe......
Rreth 1 miliard euro nga turistët në fillimvit/ Bilanci neto i turizmit u zgjerua në mbi 360 milionë euro në tre muajt e parë të 2026
Turizmi vijon të jetë një nga motorët më të fortë të ekonomisë shqiptare edhe në vitin 2026. Të dhënat e bilancit të pagesave tregojnë se gjatë tremujorit të......
Shtrenjtohen ndjeshëm transporti dhe energjia - ASK: Inflacioni në Kosovë arrin në 6.8 për qind
Agjencia e Statistikave të Kosovës (ASK) ka publikuar Indeksin e Harmonizuar të Çmimeve të Konsumit (IHÇK) për muajin maj 2026, duke zbatuar klasifikimin e......
Cash-i dominon ende transaksionet në Shqipëri - BSH: Qarkulluan mbi 553 miliardë lekë në sportelet bankare gjatë tremujorit të parë të vitit
Paraja cash vijon të mbetet një nga format më të përdorura të transaksioneve në Shqipëri, pavarësisht rritjes së pagesave elektronike dhe përdorimit të......
Reforma në administratë, BE vlerëson progresin e Shqipërisë - Pirdeni: ASPA zgjeron trajnimet, 540 pjesëmarrës nga sektori privat
Reforma në administratën publike dhe modernizimi i shërbimit civil mbeten ndër prioritetet kryesore në procesin e integrimit europian të Shqipërisë. Gjatë......
Modeli francez i administrimit të pasurive të krimit - AAPSK dhe ARO zgjerojnë bashkëpunimin ndërkombëtar
Një delegacion i Agjencisë së Administrimit të Pasurive të Sekuestruara dhe Konfiskuara (AAPSK) dhe Zyrës së Rikuperimit të Aseteve (ARO), i drejtuar nga......
Shkalla e pjesëmarrjes në forcat e punës arriti në 76.2%/ Bujqësia kryeson rënien e punësimit, shërbimet shfaqin rritje
Sipas të dhënave më të fundit të publikuara nga Instituti i Statistikave (INSTAT), tregu i punës në Shqipëri paraqet një tablo të përzier në tremujorin e......
Hoxha në SEECP: Rruga e Shqipërisë drejt BE-së ka hyrë në fazën më vendimtare, synohet mbyllja e negociatave deri në 2027
Ministri për Evropën dhe Punët e Jashtme, Ferit Hoxha, ka marrë pjesë në takimin Ministror të Procesit të Bashkëpunimit të Evropës Juglindore (SEECP) që po......
