Tregu i kapitaleve me “rregulla të reja loje” - Poshnjari: Emetuesit e titujve do të kenë detyrime të reja për publikimin e informacionit
Me projektligjin e ri për transparencën e titujve qeveritarë, emetuesit e këtyre titujve, ose shoqëritë e listuara në tregun e rregulluar, janë të detyruar të bëjnë publik çdo informacion të rëndësishëm. Projektligji parashikon kërkesat që duhet të plotësojnë emetuesit pas momentit të emetimit të titujve.
Në Komisionin Parlamentar për Evropën dhe Punët e Jashtme, Drejtorja e Drejtorisë së Mbikëqyrjes së Tregut të Kapitaleve në AMF, Patris Poshnjari, u shpreh se ky projektligj do të ndikojë në zhvillimin e tregut vendas të kapitaleve.
“Qëllimi i projektligjit nuk është vetëm përmbushja e detyrimeve të procesit të integrimit, por edhe krijimi dhe zhvillimi i tregut vendas të kapitaleve si alternativë financimi për bizneset dhe alternativë investimi për investitorët. Për arritjen e këtij qëllimi është e domosdoshme rritja e standardeve të transparencës, në mënyrë që investitorët të marrin vendime të informuara. Ky është edhe synimi kryesor i projektligjit: të rrisë transparencën, të forcojë besimin e investitorëve dhe të zgjerojë gamën e instrumenteve financiare, e cila aktualisht është e përqendruar kryesisht te titujt e qeverisë dhe disa obligacione të emetuara përmes ofertës private”, u shpreh Poshnjari.
"Informacionet e rregulluara" duhet të depozitohen dhe të ruhen në një pikë të vetme të centralizuar, të quajtur Mekanizmi Zyrtar i Caktuar (Officially Appointed Mechanism). Ky mekanizëm është një nga instrumentet kryesore të përdorura në Bashkimin Evropian për grumbullimin dhe ruajtjen e informacionit të emetuesve. Ai u mundëson investitorëve të kenë akses në informacion të krahasueshëm dhe të besueshëm, në mënyrë që të marrin vendime të informuara për blerjen, shitjen ose mbajtjen e instrumenteve financiare në portofolin e tyre tha Poshnjari. Ky mekanizëm kombëtar do të jetë i lidhur me atë evropian.
“Një tjetër risi lidhet me krijimin e European Single Access Point (ESAP), pika e vetme evropiane e aksesit në informacion financiar. Kjo do të thotë se mekanizmi që do të krijohet në Shqipëri duhet të jetë i ndërlidhur me ESAP-in, në mënyrë që informacioni i publikuar nga emetuesit shqiptarë të jetë i aksesueshëm edhe në nivel të Bashkimit Evropian”, theksoi ajo.
Në rast të shkeljeve të detyrimeve të transparencës, qofshin nga persona fizikë apo juridikë, Autoriteti i Mbikëqyrjes Financiare do të ketë kompetencën të vendosë masat administrative dhe sanksionet e parashikuara në projektligj.
Punonjësit paguan 939 milionë euro për pensione/ 6-mujori 2026, rritje me 92 milionë euro. Cilat janë arsyet?
Buxheti i shtetit ka arkëtuar 93.9 miliardë lekë apo rreth 939 milionë euro në gjysmën e parë të vitit nga detyrimet që kanë paguar punonjësit në sektorin,......
BE, 25% e energjisë u prodhua nga dielli - Në qershor kryesuan Gjermania, Spanja dhe Polonia
Energjia diellore gjeneroi një rekord prej 52 TWh të energjisë elektrike në BE në qershor 2026, duke përbërë 25 përqind të prodhimit mujor për bllokun. Kjo......
Bizneset kërkojnë ulje të kostove të energjisë - CBI dhe Energy UK, thirrje qeverisë së re të heqë disa tarifa, ul faturat me 20%
Organizatat kryesore të biznesit dhe sektorit energjetik në Britaninë e Madhe i kanë bërë thirrje qeverisë së re të ndërmarrë masa urgjente për uljen e......
Qeveria merr më pak borxh nga tregu i brendshëm - Bonot e thesarit mbeten instrumenti kryesor i financimit, por emetimet ranë
Ministria e Financave ka shitur 229 miliardë lekë tituj qeveritarë gjatë gjysmës së parë të këtij viti. Të dhënat tregojnë se qeveria ka nxjerrë në ankande......
Investitorët globalë janë më optimistë - Anketa e “Bankës së Amerikës”: 54% nuk presin rënie të ekonomisë
Ndjenja globale e investitorëve është ngjitur në nivelin e saj më të fortë që nga shkurti, me menaxherët e fondeve që po bëhen më optimistë për perspektivën......
“Bota do të konsumojë më pak naftë” - OPEC ul më tej parashikimin e kërkesës globale për vitin 2026
OPEC uli parashikimin e kërkesës botërore për naftë në vitin 2026 në 780,000 fuçi në ditë, duke shënuar rishikimin e tretë radhazi në rënie. Grupi i......
Importet e mobilieve, në rekord/ Ndërtimi dhe turizmi shtojnë kërkesën në pesë muajt e parë
Importet e mobilieve, dyshekëve dhe pajisjeve të ndriçimit arritën nivelin më të lartë të regjistruar ndonjëherë për pesë muajt e parë të vitit. Sipas......
Tatimet: Mbi 22 mijë tatimpagues përfitojnë nga faza e parë e faljes me kusht të detyrimeve
Drejtoria e Përgjithshme e Tatimeve njoftoi përfundimin e fazës së parë të procesit të faljes me kusht të detyrimeve tatimore të papaguara, e cila përfshiu......
