Maturantët më të interesuar për degët inxhinierike – Mjekësia e dyta me 23.8%, degët profesionale në vend të pestë

Aplikimet e 21 mijë maturantëve kanë përcaktuar dhe degët më të preferuara për këtë vit të ri akademik që pritet të filloj në tetor. Teksa traditë kanë qenë shkencat mjekësore si degët më të preferuara, këtë vit inxhinieria e ka mposhtur. Rreth 25.2% e aplikimeve kanë qenë për degët inxhinierike dhe të tekonologjisë të informacionit duke u renditur kështu në vend të parë.

Ndërsa në vend të dytë renditet mjekësia e përgjithshme dhe infermieria me 23.8%. Nga të dhënat e marra nga portali infermier për shqipërinë dhe mjekët në kryeqytet dhe rrethe rezulton se në Tiranë ka nevojë për 53 infermier, 91 në rajonin e Elbasanit në spital dhe qendra shëndetësore, 98 në rajonin e Vlorës, në rajonin e Shkodrës 87. Ndërsa mungesa e mjekëve përkon me 9 vende vakante nërajonin e  Elbasanit, Shkodër 7, Tiranë 6, Vlorë 8, 29 mjekë në spitalet universitare.

Më tej degët ekonomike duket se kanë zbritur një shkallë më poshtë këtë vit duke u klasifikuar të tretat të preferuarat e maturantëve me 16% të aplikimeve.

Një ndryshim I lehtë vërehet në degët profesional 2-vjecare. Drejtuesi i Rrjetit Akademik Shqiptar Arjan Xhelaj bën të ditur për Scan Tv se teksa aplikimet ende mbeten të ulëta me rreth 8.1% të aplikimeve, karakteristikë është vënë re mesatarja e maturantëve mbi 6.5 të interesuar për këto degë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.