Mbi 71 mijë vende të lira pune – Danimarka dyfishon numrin që nga periudha përpara pandemisë!

Numri i vendeve të lira të punës në Danimarkë po vazhdon të rritet për shkak të mungesës së fuqisë punëtore. Të dhanat zyrtare tregojnë se numri i vendeve të lira në sektorin privat është rritur me 2,800, duke arritur në 71,400 vende të lira në tremujorin e dytë të vitit 2022. Numri i vendeve të lira të punës ishte dyfishuar në krahasim me fillimin e vitit 2020 menjëherë para mbylljes së parë të COVID-19, që shkaktoi një rënie të ndjeshme.

Sipas të dhënave, kryeqyteti Kopenhagen kishte përqindjen më të lartë të vendeve të lira të punës në tremujorin e dytë të 2022. Nga të gjithë sektorët, është konstatuar se ndërtimi ka qenë e vetmja industri që ka shënuar ulje të numrit të vendeve të lira. Krahasuar me tremujorin e dytë 2021, numri i vendeve vakante në ndërtim ra me 0.2 për qind në tremujorin e dytë të 2022. Nga ana tjetër, sektori financiar, sigurimet dhe sektori imobiliar patën rritjen më të madhe.

Duke marrë parasysh numrin e lartë të vendeve të lira të punës, qeveria daneze ka  publikuar në fillim të korrikut listat për punonjës me arsim të lartë dhe të kualifikuar nga vendet e tjera në fillim të korrikut. Listat u publikuan në një përpjekje për të përballuar mungesën e fuqisë punëtore me të cilën është përballur vendi.

Agjencia Daneze për Rekrutim dhe Integrim Ndërkombëtar (SIRI) zbuloi se lista për personat me arsim të lartë përfshin gjithsej 45 profesione, ndërsa ajo për punëtorët e kualifikuar përfshin 46 profesione.

Kjo do të thotë se shtetas nga vende të tjera mund të aplikojnë për një nga vendet e punës me kusht që të plotësojnë kërkesat. Agjencia shpjegon se Danimarka aktualisht po kërkon punëtorë të aftë në fusha të ndryshme profesionale si shkenca dhe inxhinieria, biznesi dhe administrata, si dhe fushat ligjore, sociale dhe kulturore, ndër të tjera. Përveç kësaj, vendi po kërkon gjithashtu shtetas të vendeve të tjera me arsim të lartë për të punuar në kujdesin shëndetësor, institucionet arsimore dhe IT.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.