“Më shumë seriozitet për ndryshimet klimatike” – Kreu i FMN, Georgieva: E vetmja mënyrë për menaxhimin e ngrohjes globale

Kreu i Fondit Monetar Ndërkombëtar ka bërë apel për më shumë seriozitet në qasjen ndaj situatës aktuale klimatike përpara fillimit të bisedimeve për klimën COP28 dhe paralajmëroi se kjo është e vetmja mënyrë nëse bota dëshiron të menaxhojë ngrohjen globale.

Duke folur para eventit vjetor të OKB-së që nis në Dubai në 30 nëntor, Kristalina Georgieva tha se emetimet e karbonit që dëmtojnë klimën duhet të reduktohen midis 25% dhe 50% deri në vitin 2030, por premtimet e deritanishme do të çonin vetëm në një reduktim “të vogël” prej 11 %.

Sipas saj, gjëja më e rëndësishme në COP28 është të bëhet e qartë se mënyra se si po veprohet deri tani nuk është e zbatueshme dhe të përcaktohet një nivel ambicie që ka të ngjarë të transformohet në një shans për botën që të jetojë me temperatura që nuk i kalojnë 1.5 deri në 2 gradë Celsius.

Georgieva theksoi se prioriteti numër një për këtë COP, është të gjendet se çfarë mund të bëjnë më shumë qeveri për të riparuar sistemin financiar shumëpalësh të botës, për të siguruar që më shumë para të vihen në dispozicion për vendet e cenueshme që tashmë ndjejnë ndikimet e ngjarjeve më ekstreme të motit.

Georgieva tha se përpjekjet e deritanishme – Banka Botërore, për shembull, mund të rriste huadhënien me 100 miliardë dollarë gjatë një dekade – ishin shumë premtuese.

Një nga përpjekjet kryesore deri më tani ka qenë inkurajimi i vendeve që të miratojnë disa nga të drejtat e tyre të veçanta të tërheqjes, rezervat valutore të ditëve me shi që përdoren rrallë, që t’u jepen hua bankave të zhvillimit për të ndihmuar në forcimin e financimit të klimës në tregjet në zhvillim.

Në gusht, FMN tha se 29 vende anëtare kishin rënë dakord deri më tani, duke ndihmuar në sigurimin e 55 miliardë dollarëve për huadhënie përmes saj. Për më tepër, Georgieva tha se Banka Afrikane për Zhvillim dhe Banka Ndër-Amerikane e Zhvillimit kishin propozuar përdorimin e aseteve të rezervave ndërkombëtare që u jepeshin atyre si kapital hibrid.

Me më shumë vende që po përballen me vështirësi borxhi pas rritjes së normave të interesit, Georgieva tha se FMN-ja po punonte me shtatë vende për ristrukturimin e borxhit, ndërsa disa të tjerë do të kishin nevojë për ndihmë për të ulur barrën e tyre të borxhit. Për të ndihmuar në promovimin e qëndrueshmërisë së borxhit në një botë me goditje më të shpeshta klimatike, FMN-ja po punon për të ofruar mbështetje shumë, shumë më të thellë, duke integruar klimën në analizën e saj.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.