Më shumë të ardhura dhe procedura të lehtësuara – DPSHTRR: Janar-qershor, 115.5 milionë lekë plus nga targat risi

Diamila Leka/ Scan

 

Drejtoria e Përgjithshme e Shërbimeve të Transportit Rrugor ka analizuar të dhënat në 6 muajt e parë të këtij viti. Sipas kalkulimeve DPSHTRR ka realizuar një rritje të të ardhurave të realizuar me 136% krahasuar me vitin 2019. Por çfarë impakti ka dhënë?

Sipas të dhënave të DPSHTRR, analiza e shërbimeve nis me 1.563.273 shërbime të ofruara krahasuar me të njëjtën periudhë të vitit 2019, ose 63% më shumë. Dhe për një orë u është shërbyër 1551 qytetarëve.

Duke analizuar shërbimet me procedurë të lehtësuar numri i shërbimeve ka arritur në 556.855, ndërsa janë kursyer 249.571 ditë pune. Duke vijuar me kursimet, janë 930.110 litra karburant i kursyer si dhe 1.736 miliardë lekë të kyrsyera. DPSHTRR ka analizuar se janë eliminuar dhe 13.3 km rrugë.

Por si kanë rezultuar shërbimet risi?

Shërbimet risi në DPSHTRR janë 259.363 ose 17% e totalit të shërbimeve. Të ardhurat nga targat risi janë rreth 115.5 milionë lekë ose 26% më shumë krahasuar me janar-qershor 2023 nga të cilat 54% janë realizuar nga targat e personalizuara. Ndërsa, janë 4379 targa të personalizuara, me përzgjedhje, suvenirë etj.

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.