Ministria rrit gjobat për shkeljet në mjedis – Në konsultim, 9 pr.ligje/ Nga lejet e mjedisit, te shkarkimet në ajër. Rritje edhe për qeset plastike

Ministria e Turizmit dhe Mjedisit ka propozuar rritjen e masës së gjobave për shkeljet në fushën e mjedisit, duke nisur që nga ushtrimi i aktivitetit pa leje mjedisi, menaxhimi i integruar i mbetjeve, mosraportimi i shkarkimeve në ajër aga ana e subjekteve, ndryshimet klimatike, zonat e mbrojtura, etj.

Ky dikaster ka nxjerrë për konsultim publik 9 projektligje, që parashikojnë kryesisht rritjen e gjobave e në disa raste edhe përcaktimin e autoriteteve që do të zbatojnë monitorimet përkatëse. Kështu, zhvillimi i veprimtarisë pa leje mjedisit të tipit A, deri më tani dënohej me gjobë nga 1 – 2 mln lekë, ndërsa me propozimet e reja, gjoba do të jetë nga 1.3- 2.6 mln lekë. Ndërkohë që, ushtrimi i aktiviteti pa leje mjedisi të tipit B propozohet të dënohet me 650 000 deri në 1.3 mln lekë, nga 500 000 -1 000 000 lekë që ishte deri më tani.

Rritje e gjobave është propozuar edhe për ato subjekte që nuk përmbushin dhe nuk respektojnë kërkesat, parimet dhe kushtet e lejes përkatëse të mjedisit A apo B nga operatori i një instalimi. Paralelisht, mosdhënia e informacionit për shkarkimin dhe transferimin e ndotësve nga operatori do të dënohet me gjobë nga 390 000 – 650 000 lekë, ndërkohë që deri më tani gjoba varionte nga 300-500 mijë lekë.

Ndërkaq, edhe pse kanë kaluar vetëm pak muaj nga miratimi i ndryshimeve ligjore për ndalimin e qevese plastike, rritje gjobash janë propozuar edhe për çdo person që hedh në treg, prodhon, importon ose fut në territorin e Republikës së Shqipërisë qeset e ndaluara me ligj.

Sipas propozimit perosnat që kryejnë shklejet e e mësipërme do të dënohen me gjobë në vlerën 650 000, nga 500 mijë lekë që u përcaktuar para disa muajsh. Rritje e masës së gjobave është parashoikiuar edhe për ato subjekte që kanë detyrim pajijsen me raportin e Vlerësimit të Ndikimit në Mjedis, por që operojnë pa u pajisur më këtë dokument.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.