Ministrja Denaj prezanton drejtorin e ri të AKU-së / Në detyrë Edmond Rrushi

Ministrja e Bujqësisë dhe Zhvillimit Rural, Anila Denaj ka prezantuar sot drejtorin e ri të Autoritetit Kombëtar të Ushqimit (AKU), Edmond Rrushi.

Edmond Rrushi vjen në këtë post pas dorëheqjes nga ky pozicion i Jeta Dedës.

Në fjalën e saj gjatë prezantimit, ministrja Denaj përcolli për të gjithë punonjësit e këtij institucioni mesazhin e rëndësishëm që siguria ushqimore është “gur themeli” për një jetë të shëndetshme për konsumatorët, për familjet tona.

“Theksova se forcimi i metodologjisë së riskut, përmes rakordimit të një plan veprimi për 2024, bashkë me Ministrinë e Brendshme, Policinë e Shtetit dhe qeverisjen vendore, është prioriteti ynë për të garantuar standardet më të larta të sigurisë ushqimore”, u shpreh Denaj.

Sipas saj, puna me etike dhe profezionalizëm, është një ndër cilësitë që duhet të këtë çdo inspektor i AKU. Denaj vlerësoi gjithashtu edhe punën nga drejtuesja e deritanishme e AKU-së, Jeta Deda.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.