‘Moment historik’: Linja e parë e metrosë nënujore përfundon rrugëtimin e saj të parë!

Tuneli i parë nënujor në Indi, linja më e re e metrosë së Kalkutës, e vendosur për t’u hapur për publikun në nëntor dhe që kalon nën lumin Hooghly në verilindje të qytetit, 32 metra nën ujë kaloi këtë javë testin e saj të parë.

Linja do të lidhë stacionin e metrosë së Howrah Maidan që do të hapet së shpejti dhe stacionin ekzistues të Esplanade në anën e kundërt të lumit, duke udhëtuar 520 metra në vetëm 45 sekonda. Sapo të hapet, Howrah Maidan do të jetë stacioni më i thellë i metrosë në Indi.

Linja e plotë e metrosë përmes Howrah Maidan do të jetë 4.8 km e gjatë. Kalkuta ishte qyteti i parë në Indi që kishte një sistem metroje. Infrastruktura është një nismë e madhe kombëtare nën udhëheqjen e kryeministrit indian Narendra Modi.

Në fillim të këtij viti, vendi festoi hapjen e pjesës së parë të një autostrade të re ekspres me tetë korsi që lidh qytetet e Nju Delhit dhe Mumbait. Seksioni i parë i përfunduar lidh kryeqytetin me qytetin e Lalsot në shtetin veriperëndimor të Rajasthan, një destinacion popullor për turistët.

Dhe në janar, anija MV Ganga Vilas u nis nga Varanasi për të lundruar në rrugët ujore duke përfshirë lumin Gange për një udhëtim prej 1,988 miljesh që zgjat 51 ditë, duke fituar titullin e udhëtimit më të gjatë të lundrimit në lumë në botë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.