Monedhat vijojnë qëndrueshmërinë – Luhatje minimale për shkak të mungesës së aktivitetit në Europë dhe SHBA

Tregu i monedhave po shfaqet i qëndrueshëm në sesionin e sotëm për shkak të mungesës së aktivitetit tregtar në Europë dhe në Shtetet e Bashkuara, me rastin e festave të fundvitit.

Euro po tregtohet e qëndrueshme në mbi 1.06 dollarë duke shënuar një rritje me rreth 0.64%, ndërsa paundi po tregtohet në mbi 1.2 dollarë.

Dollari amerikan ka regjistruar gjithashtu njw rritje të vlerës mëngjesin e sotëm duke u blerë me 107.3 lekë dhe duke u shitur me 108.5 lekë krahasuar me ditën e djeshme sipas kursit të këmbimit lokal.

Banka qendrore e SHBA-së ngadalësoi ritmin e rritjes së normave të interesit në 50 pikë bazë muajin e kaluar, pasi dha katër rritje të njëpasnjëshme me 75 pikë bazë, por theksoi nevojën për të mbajtur normat në territore kufizuese për të ulur inflacionin. Raporti i shumëpritur i vendeve të punës në dhjetor do të publikohet të premten dhe të dhënat e çmimeve të konsumit për muajin e kaluar do të publikohen më 12 janar.

Në tregun e kriptomonedhave, bitcoin po tregtohet në rreth 16,855 dollarë, ndërsa ethereum po tregtohet në rreth 1250 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.