Tregjet europiane zgjerojnë fitimet – Goldman Sachs Group: SHBA do të shmangë recesionin në vitin 2023

Tregjet europiane të aksioneve janë hapur në rritje të lehtë edhe në sesionin e sotëm, ndërsa investitorët presin të dhënat më të fundit të Rezervës Federale të SHBA që pritet të publikohen në orët në vijim.

Indeksi pan-Europian Stoxx 600 e ka nisur ditën në rritje me 1.2%, ndërsa lëndët e para realizojnë fitimet më të mëdha, në rritje me 1.4%.

Gjermania publikoi shifra më të ulëta se sa pritej të inflacionit për dhjetorin, në 9.6% nga viti në vit, ndërsa shifrat e inflacionit nga Franca pritet të publikohen gjatë ditës së sotme.

Tregjet globale do të kërkojnë një pasqyrë të procesit të mendimit të bankës qendrore kur bëhet fjalë për normat e interesit dhe gjendjen e shëndetit të ekonomisë amerikane.

Kompania amerikane e investimeve bankare Goldman Sachs Group parashikon se Shtetet e Bashkuara do të shmangin recesionin në vitin 2023

Aksionet globale janë përballur me një rënie gjatë 2022, pasi qeveritë dhe bankat qendrore ndërmorrën masa për të kontrolluar inflacionin e lartë, që u shkaktua nga lufta mes Rusisë dhe Ukrainës.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.