Muaji më i mirë për arin që nga korriku 2020 – Në tregjet globale po ndikojnë problemet e sistemit bankar në SHBA

Çmimet e arit u rritën të premten, në performancën më të mirë mujore që nga korriku 2020, pasi kriza e fundit e sistemit bankar çoi në pritjet për një Rezervë Federale të SHBA-së më pak agresive.

Çmimi spot i arit u rrit me 0,1% në 1,981,59 dollarë për onz, ndërsa po arrijnë dy tremujor radhazi me fitime, që deri tani shkon në 8.6%. E kundërta po ndodh me dollarin që po regjistron dy tremujor radhazi në rënie, duke e bërë arin më të lirë për blerësit.

Ari u rrit mbi nivelin e 2,000 dollarëve pas rënies së papritur të dy huadhënësve rajonalë amerikanë në fillim të këtij muaji, gjë që çoi në baste se Fed mund të ndalonte normat e rritjes për të shmangur një ndikim më të gjerë nga trazirat e sistemit bankar global.

Megjithëse ari konsiderohet si një mbrojtje ndaj pasigurive ekonomike, normat më të larta priren të zbehin tërheqjen e shufrave me rendiment zero. Por, çmimet u tërhoqën shpejt pasi autoritetet ndërhynë me masat e shpëtimit.

Sipas analistëve të tregut, ekzistojnë spekulime se kriza bankare ndoshta nuk ka përfunduar, por problemet nuk janë të dukshme menjëherë, ose nuk ndikojnë menjëherë në tregje. Kështu, që ari është konsoliduar midis intervalit 1,930-2,000 dollarë.

Për më tepër, tre zyrtarë të Rezervës Federale mendojnë për më shumë rritje të normës bazë të interesit. Ari përballet me një rrezik në rënie sepse tregu pret që Fed të ndalojë rritjen e normave, gjë që bie ndesh me atë që ky institucion ka deklaruar më parë.

Pas publikimit të të dhënave për Shpenzimet e Konsumit Personal, pritet edhe lëvizja e radhës nga banka qendrore në SHBA.

Dorina Kurtaj/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.