Musk: Do të ndaloj pajisjet Apple! – Kompania planifikon integrimin e OpenAI në sistemin operativ

Musk, i cili themeloi xAI-n e tij, njoftoi në platformën X se nëse Apple integron OpenAI në nivelin e sistemit operativ, pajisjet Apple do të ndalohen nga kompania e tij. Ai e quajti këtë integrim “një shkelje të papranueshme të sigurisë”.

Apple dhe OpenAI kanë zbatuar masa mbrojtëse dhe OpenAI pretendon se kërkesat e përdoruesve për pyetje nuk ruhen nga OpenAI. Në të kundërt, Mask mund t’u kërkojë vizitorëve të platformës X të kontrollojnë pajisjet e tyre Apple.

Ndërkohë Apple ka njoftuar përmirësimin e asistentit të saj zanor Siri dhe sistemeve operative me ChatGPT të OpenAI, në përpjekjen e saj për të kapur garën e inteligjencës artificiale. Prodhuesi i iPhone njoftoi rifreskimin e Siri, së bashku me një mori karakteristikash të tjera të reja, në konferencën e tij vjetore të zhvilluesve. Është pjesë e një sistemi të ri IA të quajtur ‘Apple Intelligence’, i cili synon t’u japë përdoruesve një mënyrë për të lundruar më lehtë në pajisjet Apple.

Versionet e reja të sistemeve operative iPhone dhe Mac do të lejojnë aksesin në ChatGPT përmes një partneriteti me OpenAI. ChatGPT mund të përdoret gjithashtu për të fuqizuar mjete të tjera, duke përfshirë prodhimin e tekstit dhe përmbajtjes. Versioni i provës do të jetë i disponueshëm në vjeshtë.

Tim Cook, shefi ekzekutiv i Apple, tha se masa do t’i çonte produktet e kompanisë së tij “në lartësi të reja”.

Njoftimi nuk u prit me kënaqësi nga të gjithë. Elon Musk, pronar i Tesla dhe X (ish Tuitter), ka kërcënuar se do të ndalojë iPhone nga kompanitë e tij për shkak të “sigurisë së të dhënave”.

Apple Intelligence nuk është një produkt apo një aplikacion në vetvete. Ai do të jetë pjesë e çdo aplikacioni dhe produkti të Apple që përdorin konsumatorët – qoftë ai një asistent shkrimi që përmirëson draftet e mesazheve, ose kalendar që mund të tregojë rrugën më të mirë për takimin tuaj të ardhshëm. Në këtë kuptim, është i ngjashëm me Copilot të Microsoft – por nuk do t’ju duhet të paguani ekstra për ta aktivizuar atë.

Siri, asistenti zanor i blerë nga Apple në 2010, është rinovuar me një GUI të ri dhe një qasje më “biseduese” për të ndihmuar përdoruesit të lundrojnë pajisjet dhe aplikacionet e tyre më pa probleme.

Apple ka insistuar në çështjen e sigurisë së të dhënave në lidhje me Apple Intelligence. Pjesa më e madhe e përpunimit do të bëhet në vetë pajisjen, ndërsa kur nevojitet më shumë fuqi kompjuterike, të dhënat absolutisht të nevojshme do të dërgohen në cloud – por jo të ruhen atje.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.