Nafta, e qëndrueshme pranë 73 USD – Të dhënat në Kinë dhe SHBA sinjalizojnë ngadalësim të kërkesës

Nafta i është rikthyer fitimeve gjatë sesionit europian, duke i dhënë fund dy ditëve me radhë në rënie. Megjithatë, fitimet po kufizohen nga rritja e ndjeshme e rezervave të naftës në SHBA dhe nga shenjat për dobësimin e kërkesës në Kinë.

Nafta Brent e Londrës po tregtohet në rreth 73 dollarë për fuçi, ndërsa nafta Bruto amerikane po tregtohet në rreth 78 dollarë për fuçi. Të dyja kontratat ranë me rreth 1 dollar në sesionin e kaluar. Rezervat e naftës në SHBA u rritën me 5.2 milionë fuçi, gjatë javës së kaluar, referuar të dhënave jozyrtare nga Instituti Amerikan i Naftës. Analistët parashikonin një rënie të rezervave me 1.4 milionë fuçi.

Megjithatë, investitorët po presin të dhënat zyrtare që publikohen më vonë gjatë ditës së sotme nga Administrata për Informimin mbi Energjinë. Ndërkohë, të dhënat e publikuara në Kinë treguan se aktiviteti i manifakturës u kontraktua më shpejt se parashikimet e analistëve, gjatë majit.

Me një interes të veçantë, investitorët po presin edhe takimin e 4 qershorit, mes Organizatës së Vendeve Eksportuese të Naftës (OPEC) dhe aleatëve të tjerë, duke përfshirë edhe Rusinë. Ndërkohë, projektligji për të pezulluar tavanin e borxhit prej 31.4 trilionë dollarë të qeverisë amerikane dhe për të shmangur falimentimin katastrofik, kaloi në Dhomën e Përfaqësuesve të mërkurën dhe tashmë do të shkojë në Senat.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.