Nafta, e qëndrueshme pranë 76 USD – Të mërkurën çmimet u rritën me 3%, ndikon optimizmi për borxhin në SHBA

Nafta po qëndron në rënie në lehtë në sesionin e sotëm, pas fitimeve të realizuara një ditë më parë, si pasojë e optimizmit për arritjen e një marrëveshje mbi tavanin e borxhit në SHBA. Në sesionin e së mërkurës, të dyja kontratat fituan mbi 3% të vlerës.

Nafta Brent e Londrës po tregtohet në rreth 76.7 dollarë për fuçi, ndërsa nafta Bruto amerikane po tregtohet në rreth 72.5 dollarë për fuçi. Rënia e ndjeshme e rezervave të naftës në SHBA, gjatë javës së kaluar sugjeron se kërkesa është ngjitur në nivelin më të lartë që nga viti 2021. Edhe optimizmi mbi negociatat për rritjen e tavanit të borxhit mes demokratëve dhe republikanëve në SHBA ka ofruar një mbështetje për çmimet.

Përveç këtyre zhvillimeve, edhe shëndeti i mirë i sistemit bankar kanë ofruar një panoramë më të mirë për ekonominë globale, që përkthehet në një kërkesë më të lartë për naftë. Shqetësimi kryesor i investitorëve është ngadalësimi i kërkesës në Kinë, pavarësisht heqjes së masave kundër Covid-19. Në fokus të tregjeve do të jenë sërish negociatat mes Biden dhe McCarthy. Marrëveshja për borxhin duhet të votohet në të dyja dhomat e Kongresit, përpara datës 1 qershor.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.