Eleminimi i trafikut gjatë sezonit veror, ARRSH: Nga 19 maj, jo qarkullim kamionësh në aksin Thumanë–Fushë Krujë–Kamëz

Autoriteti Rrugor Shqiptar njofton se në bashkëpunim me Policinë Rrugore dhe Policinë e Shtetit do të bëjnë devijim të përkohshëm trafiku për mjetet e rënda në aksin rrugor Thumanë–Fushë Krujë–Kamëz. Devijimi do të nisë nga data 19 maj, përgjatë orarit 06:00-20:00 dhe do të vazhdojë deri në përfundim të ssezonit veror.

“Me qëllim disiplinimin e trafikut gjatë sezonit turistik veror, duke marrë në konsideratë numrin e lartë të mjeteve, do të bëhet një devijim i përkohshëm i qarkullimit të kamionëve me  peshë mbi 7.5 T nga Fushë Mamurrasi në kryqëzimin e Luzit sipas skemës së treguar më poshtë

Ky devijim do të fillojë ditën e premte datë 19.05.2023, përgjatë orarit 06:00–20:00 dhe do të vazhdojë deri në përfundim të sezonit veror. Janë marrë të gjitha masat sipas Planit të Menaxhimit të Trafikut, si dhe për vendosjen e sinjalistikës provizore për të orientuar përdoruesit e rrugës” njofton ARRSH ndërsa  kërkon mirëkuptimin e drejtuesve të mjeteve lidhur me këtë devijim.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.