Nafta humb mbi 2%, zbret poshtë 85 USD – Nafta ruse shkon në tregje, pavarësisht sanksioneve të BE dhe G7
Nafta po ndryshon minimalisht në sesionin e sotëm europian, por gjatë tregtisë amerikane dhe asaj aziatike humbi mbi 2% të vlerës, për shkak se nafta ruse vijon të shkojë në tregje, pavarësisht sanksioneve. Nafta Brent e Londrës ka rënë poshtë 85 dollarëve për fuçi, ndërsa nafta Bruto amerikane po tregtohet në rreth 78 dollarë për fuçi. Edhe rritja e interesave nga bankat qëndrore po ushtron presion mbi çmimet.
Norma më të larta interesi përkthehen në një kërkesë më të dobët për naftë. Gjithashtu, tregjet po presin edhe takimin virtual të OPEC dhe aleatëve të tjerë, me në krye Rusinë, i cili zhvillohet ditën e mërkurë. Paneli pritet të mos ndryshojë kuotat e prodhimit, pavarësisht presionit nga Shtëpia e Bardhë dhe shenjave për rimëkëmbjen e kërkesës në Kinë. Në takimin e tetorit të vitit të kaluar, OPEC+ ra dakord të ulë prodhimin me 2 milionë fuçi në ditë, e barabartë me rreth 2% të kërkesës globale.
Kjo marrëveshje do të jetë në fuqi deri në nëntor të vitit 2023. Ndërkohë, Rusia vijon të furnizojë tregjet globale, pavarësisht embargos dhe tavanit të çmimeve të vendosura në Bashkimi Europian dhe G7-a, për shkak të pushtimit të Ukrainës.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.